ဗောဓိပင်တံမြက်စည်းလှည်းရခြင်းအကျိုး

တပေါင်းနွေနဲ့အတူ လေပြင်းတချက်တချက်တိုက်ခတ်နေသည်။ လေအဝေ့တွင် လေနှင့်အတူမျောလွင့်လာသော သစ်ရွက်သစ်ခတ် ဖုန်မှုန့်များသည် ကြီးမားသောညောင်ပင်ကြီးနှင့်တွေ့ဆုံသည့်အခါ ကြောက်ရွံ့သည့်အလား မြေသို့ဝပ်တွားကြလေသည်။ ထိုသစ်ပင်သစ်ရိပ်အောက်တွင် ဆွမ်းခံသပိတ်ကိုယ်စီဖြင့် ရဟန်းတော်နှစ်ပါး ခေတ္တခဏအရိပ်ခိုနေကြလေ၏။ ထိုညောင်ပင်ကြီးသည် အရိပ်အာဝါသကောင်းပြီး ရွာနှင့်တောအရပ်သို့သွားရာ ကြားအရပ်တွင်တည်ရှိ၍ ဆိတ်ကျောင်းသားများ ဆွမ်းခံသွားရာရဟန်းတော်များအတွက် အကောင်းဆုံးနားခိုရာ ဇရပ်တစ်ဆောင်နှင့်လည်းတူလှပါပေသည်။

ထိုစဉ်အခါ ရွာထိပ်ဘက်မှ ဆိတ်ကျောင်းသားသည်ဆိတ်အုပ်ကိုမောင်းရင်း ညောင်ပင်ရှိရာအရပ်သို့ တရွေ့ရွေ့လာနေသည်။ ဆိတ်အုပ်ကြီး၏ခပ်လှမ်းလှမ်းတွင် ရဟန်းတစ်ပါးသည် တည်ငြိမ်သောဣနြေ္ဒဖြင့်လိုက်ပါလာလေ၏။ ဆိတ်ကျောင်းသားသည် ဆိတ်အုပ်ကြီးကို ညောင်ပင်နားမရောက်မှီတောင်အရပ်သို့သွားရာလမ်းခွဲဘက်သို့ ဆက်လက်မောင်းထွက်သွားသည်။ နောက်ကလိုက်ပါလာသော ဆွမ်းခံရဟန်းတော်သည်သာ ညောင်ပင်ဆီသို့ ဆိုက်ဆိုက်မြိုက်မြိုက်ရောက်ရှိလာ၏။ ထိုရဟန်းညောင်ပင်အောက်သို့ရောက်သောအခါ ထူးဆန်းစွာလေတချက်ဝေ့တိုက်လာပြီး ညောင်ပင်အောက်တွင်တည်ရှိသော အမှိုက်သရိုက်များညောင်သီးများကို တစ်စုံတစ်ဦးလှဲကျင်းလိုက်သည့်အလား ရှင်းလင်းသွားလေသည်။

ရဟန်းတော်သည် ပါလာသည့်သပိတ်ကို မြေကမူအမြင့်ပေါ်တွင်တင်လိုက်ပြီး သင်္ကန်းကိုပြင်ဆင်၍ ရှေ့ကရောက်နှင့်နေတော့ ရဟန်းတော်နှစ်ပါးကိုဂါရ၀ပြုလေသည်။ ဂါရ၀ပြုပြီးနောက် ရှေ့ကရောက်နှင့်နေသော ရဟန်းနှစ်ပါး၏မနီးမဝေးတွင် ထိုင်လေသည်။

ရှေ့တွင်ရောက်နှင့်နေသောရဟန်းနှစ်ပါးမှ အသက်ပိုကြီးဟန်တူသော ရဟန်းသည် နောက်မှရောက်လာသောရဟန်းအား

``င့ါရှင် ဆွမ်းကွမ်းပြည့်စုံရဲ့လား´´

``ပြည့်စုံပါတယ်အရှင်ဘုရား၊ အရှင်ဘုရားတို့ကော ပြည့်စုံပါရဲ့လား´´

``ပြည့်စုံပါတယ် င့ါရှင်၊ ငါ့ရှင်ရဲ့ဘွဲ့အမည် မည်သို့ခေါ်သနည်း´´

``တပည့်တော်၏ဘွဲ့အမည်မှာ ဗောဓိသမ္မဇ္ဇကမထေရ်လို့ခေါ်သလို တချို့ကျတော့လဲ သကိံသမ္မဇ္ဇကမထေရ်လို့ခေါ်ကြပါသည် အရှင်ဘုရား´´

``ဗောဓိသမ္မဇ္ဇကမထေရ်ဆိုတော့ ဗောဓိပင်မှာတံမြက်လှည်းတဲ့မထေရ်လို့အမည်ရတာပေါ့၊ သကိံသမ္မဇ္ဇကမထေရ်ကျတော့ တကြိမ်မျှတံမြက်လှည်းခဲ့တဲ့မထေရ်လို့အမည်ရတယ်။ အဘယ်ကြောင့်ထိုဘွဲ့အမည်တွင်ခဲ့ပါသလဲင့ါရှင်´´

``ဘုရားတပည့်တော်ဟာ ဤဘဒ္ဒကမ္ဘာမှလွန်ခဲ့သော ကိုးဆယ့်တစ်ကမ္ဘာထက်တွင်ပွင့်တော်မူသော ၀ိပဿီမြတ်စွာဘုရားလက်ထက်အခါက တပည့်တော်သည်ဝိပဿီမြတ်စွာဘုရားပွင့်တော်မူရာ သခွပ်ဗောဓိပင်သို့ရောက်ရှိခဲ့ပါတယ်။ ထိုသခွပ်ဗောဓိပင်သို့ရောက်ရှိသောအခါ ၀ိပဿီမြတ်စွာဘုရားထိုဗောဓိပင်အောက်၌ပွင့်တော်မူခဲ့ပုံကို အာရုံပြု၍ကြည်နူးခြင်း ၀မ်းမြောက်ခြင်းတွေဖြစ်ခဲ့ပါတယ်။ တပည့်တော်ဟာ ညောင်ပင်အောက်တွင်ပွနေသော သစ်ရွက်အမှိုက်များကိုလှဲကျင်းပြီး သန့်ရှင်းရေးပြုလုပ်ပြီးသည့်နောက်မှာ ဗောဓိပင်ကိုတဖန်ပြန်လည်၍ ရှိခိုးကန်တော့ပါတယ်။ ကြည်နူးလွန်းအားကြီးပြီး ဗောဓိပင်မှထွက်ခွါချိန်တွင်လည်း လက်အုပ်ချီ၍ နောက်ပြန်ဆုတ်ပြီးထွက်ခွါပါတယ်။ ထိုသို့လက်နောက်ပြန်ဆုတ်ရှိခိုးကန်တော့ပြီးပြန်ထွက်သည့်အချိန်တွင် တပည့်တော်၏ကျောဘက်တွင်ရောက်ရှိနေသော စပါးကြီးမြွေကြီး တပည့်တော်အားရစ်ခွေခြင်းကိုခံရပါတယ်။ တပည့်တော်လည်း ရှောင်ချိန်မရလိုက်ပဲ ၀ိပဿီမြတ်စွာဘုရားနှင့်သခွတ်ဗောဓိပင်အား ရှိခိုးကန်တော့၍စပါးကြီးမြွေကြီး၏အစာအဖြစ်စားသုံးခံရပြီး လူ့ဘ၀မှကွယ်လွန်ခဲ့ပါတယ်။ ထိုဘ၀မှကွယ်လွန်ပြီး နတ်ပြည်နတ်လောကတွင် နတ်စည်းစိမ်များခံစားရပါတယ်။ တပည့်တော်ရဲ့သခွတ်ဗောဓိပင်မှာ တံမြက်စည်းလှည်းခဲ့တဲ့အကျိုးကြောင့် တပည့်တော်ဖြတ်သန်းခဲ့တဲ့ သံသရာတစ်လျှောက်လုံးမှာစိတ်နောက်ကျူခြင်း၊ သောကဖြစ်ခြင်းမရှိပဲ စိတ်ထားအမြဲဖြူစင်ခဲ့ရတယ်။ နူနာ၊ အိုင်းအမာနာ၊ ပွေးကြီးနာ၊ ၀က်ရှုးနာ၊ ၀ဲနာ၊ ပွေးနာတွေလည်း တခါမှကို မဖြစ်ပေါ်ခဲ့ရတာဟာလည်း ဗောဓိပင်တံမြက်စည်းလှည်းတဲ့အကျိုးတွေပါပဲ အရှင်ဘုရား။ ဈာန်သမာဓိအလုပ်များလုပ်ဖို့ကိုလဲအမြဲအမှတ်ရတယ်။ နောက်ပြီးတော့လဲ ဈာန်သမာဓိတရားတွေရလွယ်တယ်။ အမျက်ထွက်ဖို့အာရုံများကိုတွေ့ခဲ့သော်လည်း အမျက်မထွက်၊ တွေဝေစရာအာရုံများတွေ့ဆုံခဲ့ရသော်လည်း တွေဝေခြင်းမရှိ၊ ကိုးဆယ့်တစ်ကမ္ဘာလုံး အပါယ်လေးပါးငရဲစသည်ကို ရောက်ခဲ့ဖူးခြင်းလည်း မရှိခဲ့ပါဘုရား။ ဒါတွေဟာ တံမြက်လှည်းခြင်းရဲ့အကျိုးကျေးဇူးတွေဖြစ်ပါတယ် အရှင်ဘုရား။´´

``ငါ့ရှင်ဟာ ထိုကဲ့သို့ ကိုးဆယ့်တစ်ကမ္ဘာထက်ကိုပြန်မြင်နိုင်ရတာ ဘာကြောင့်ပါလဲ အရှင်ဘုရား´´

``ဘုရားတပည့်တော်ဟာ ကိုးဆယ့်တစ်ကမ္ဘာပတ်လုံးသုဂတိဘ၀ကိုကျင်လည်ခဲ့ရပြီးနောက် ယခုဂေါတမမြတ်စွာဘုရားလက်ထက်တွင် လူအဖြစ်ကိုရောက်ရပြီး မြတ်စွာဘုရား၏တပည့်သားသံဃာတော်အဖြစ်ရောက်ရှိခဲ့ပါတယ်ဘုရား။ ထို့ပြင်ဘုရားတပည့်တော်သည် မြတ်စွာဘုရားလမ်းညွှန်သည့်အတိုင်းအားထုတ်ခဲ့သောကြောင့် ၀ိဇ္ဇာသုံးပါးကိုရရှိပြီး အာသ၀တရားလည်းကင်းစင်ပါပြီဘုရား။ လေးပါးသောပဋိသမ္ဘိဒါ၊ ရှစ်ပါးသောဝိမောက္ခတရား၊ ခြောက်ပါးသောအဘိညာဉ်တို့ဖြင့်ပြည့်စုံပါပြီအရှင်ဘုရား။ မြတ်စွာဘုရား၏အဆုံးအမတော်ကိုလိုက်နာကျင့်သုံးပြီး အဘိညာဉ်တရားတို့ဖြင့်ပြည့်စုံသောကြောင့် လွန်ခဲ့သောကိုးဆယ့်တစ်ကမ္ဘာအထက်ကို ပြန်လည်၍ သိမြင်ရခြင်းဖြစ်ပါတယ် အရှင်ဘုရား၊´´

``သာဓု သာဓု သာဓုပါ ငါ့ရှင်၊ ကဲဆွမ်းနောက်ကျနေရော့မယ် ကြွကြရအောင်အရှင်ဘုရားတို့´´

ကိုးကား။      ။ သကိံသမ္မဇ္ဇကထေရ၀တ္ထု၊ သကိံသမ္မဇ္ဇက၀ဂ်၊ ထေရာအပါဒါန်ပါဠိတော်မြန်မာပြန်။

အညတြဘိက္ခု

ကြံတစ်ဆစ်၏သံသရာ

ဝေဠုဝန်ကျောင်းတိုက် ရာဇဂြိုလ်။
ဝေဠုဝန်ကျောင်းတိုက်ကို ဗိမ္ဗိသာရမင်းကြီးသည် မြတ်စွာဘုရား ဒုတိယဝါတွင် ဆက်ကပ်လှူဒါန်းခဲ့ခြင်းဖြစ်ပေသည်။ ဝေဠုဝန်ဆိုသည်မှာ (ဝေဠု-ဝန။ ဝေဠု=၀ါး။ ဝန= တော) ဝါတောဟု အဓိပ္ပါယ်ရပေသည်။ ဝါးတောကြီး၏အလယ်တွင် ဗိမ္ဗိသာရမင်းကြီးလှူဒါန်းထားသော ကျောင်းဆောင်တည်ရှိပြီး ဘေးပတ်လည်ဝါးတောများအောက်တွင် တစ်ပါးနေကျောင်းဆောင်များ အစီအရီဆောက်လုပ်ထားသည်။

မနက်ခင်းပိုင်းတွင် ကျောင်းတိုက်ကြီးသည်တိတ်ဆိတ်ငြိမ်သက်လျက်ရှိပါပေ၏။ ကျောင်းတိုက်တွင်းရှိသံဃာတော်များသည် ဆွမ်းအလို့ငှါ ရွာထဲသို့လှည့်လည်နေကြလေသည်။ နေမြင့်လာသောအခါ ဝါရုံတောအတွင်း ထိုးကျလာသော နေရောင်ခြည်တို့သည် တဖြည်းဖြည်းမြင့်တက်လာပြီးနောက် ရွာအတွင်းဆွမ်းခံကြွနေသောသံဃာများသည်လည်း ကျောင်းတိုက်အတွင်းသို့ တဖြည်းဖြည်းဝင်ရောက်လာကြပြီ။ ရဟန်းတော်များသည် ကျောင်းတိုက်အတွင်းပြန်ရောက်လာကြပြီးလျှင် ခြေလက်သန့်စင်ခြင်းအမှုကိုပြုကြပြီး ကျောင်းတိုက်အလယ်တွင်ငြိမ်သက်စွာထိုင်နေတော်မူသော မြတ်စွာဘုရားကို သွားရောက်ရှိခိုးဦးချကြလေ၏။ သံဃာများစုံသလောက်ရှိလာသော်လည်း ရဟန်းတစ်ပါးသည် နောက်ကျလျက်ရှိသည်။ ထိုရဟန်းတော်မှာ လက်ဝဲတော်ရံရှင်မောဂ္ဂလာန်ကိုယ်တော်မြတ်ဖြစ်ပေသည်။

စောစောကလှုပ်ရှားနေသော ဝေဠုဝန်ကျောင်းတိုက်သည် သံဃာတော်များမြတ်စွာဘုရား၏ဘေးပတ်လည်တွင် စုံလင်စွာဝိုင်းရံမိသည့်နောက်ပြန်လည်၍တိတ်ဆိတ်ငြိမ်သက်သွားလေတော့သည်။ ထိုအချိန်တွင် ဝေဠုဝန်ကျောင်းတိုက်အဝင်ဝမှ တဖြည်းဖြည်းရွေ့လျားလာသောမြင်ကွင်းနှစ်ခုကြောင့် သံဃာတော်များသည်လည်း တီးတိုးအသံများ ထွက်ပေါ်လာပါသည်။ မြင်ကွင်းတခုမှာ တည်ငြိမ်သောဣနြေ္ဒဖြင့်တရွေ့ရွေ့လျှောက်လှမ်းလာသော ရှင်မောဂ္ဂလာန်ကိုယ်တော်မြတ်ဖြစ်ပြီး အခြားမြင်ကွင်းတစ်ခုမှာ ထိုအရှင်နှင့်အတူ ဘေးမှတရွေ့ရွေ့ကပ်ပါလာသော ကြီးမားသည့် ကြံစည်းကြီးဖြစ်ပေ၏။ ကြံစည်းကြီးမြေပေါ်ရှပ်တိုက်သောကြောင့် တရှပ်ရှပ်မည်သောအသံနှင့်အတူ ထိုအရှင်၏နောက်ထံပါးမှ ဖုန်မှုန့်များသည်လည်း လိုက်ပါလာလျက်ရှိသည်။ ရှင်မောဂ္ဂလာန်ကိုယ်တော်မြတ်နှင့်ကြံစည်းကြီး တဖြည်းဖြည်းဖြင့် မြတ်စွာဘုရားနှင့်သံဃာတော်များအထံသို့နီးကပ်လာသောအခါ သံဃာများထံမှ အံ့သြလွန်းသည့်အတွက် အသံများထွက်ပေါ်လာသည်။ ကြံစည်းကြီးသက်သက် ရှင်မောဂ္ဂလာန်ကိုယ်တော်မြတ်နှင့်အတူလိုက်ပါလာခြင်းမျိုးမဟုတ်ပဲ ထိုကြံစည်းကြီးကို အလွန်ပိန်လှီ၍ ရုပ်ရည်အဆင်းဆိုးဝါးလှစွာသော ပြိတ္တာတစ်ကောင်က ထမ်းပိုးပြီးလာခဲ့သောကြောင့်ဖြစ်၏။ ရှင်မောဂ္ဂလာန်ကိုယ်တော်မြတ်သည် မြတ်စွာဘုရားထံမှောက်ရောက်ရှိသောအခါ သပိတ်ကိုအောက်သို့ချလိုက်ပြီး သင်္ကန်းကိုပြင်ဆင်၍ မြတ်စွာဘုရားကိုရှိခိုးဦးချလိုက်သည်။ ပြိတ္တာကြီးသည်လည်း ရှင်မောဂ္ဂလာန်ပြုမူသည်ကိုကြည့်ရှု့နေပြီး တခဏ ထမ်းပိုးလာသော ကြံစည်းကြီးကိုအောက်သို့ချလိုက်၍ ရှင်မောဂ္ဂလာန်နည်းတူ မြတ်စွာဘုရားအားရှိခိုးဦးချလေသည်။

မြတ်စွာဘုရားသည် ရှင်မောဂ္ဂလာန်အား `` ဘယ်သို့သောအခြင်းအရာများ တွေ့ကြုံခဲ့ပါသနည်း ငါ့ရှင်မောဂ္ဂလာန်´´

``ဘုရားတပည့်တော်သည် ရာဇဂြိုလ်မှဆွမ်းခံကြွပြီးအပြန်တွင် လမ်းတွင်ကြီးမားကျယ်ပြန့်လှသော ကြံတောကြီးတွေ့ပါသည်။ ထိုကြံတောကြီးနှင့်အတူ ယခုကြံများကိုထမ်းပိုးလာသော ပြိတ္တာကြီးကိုလည်း တွေ့ရပါသည်။ ထိုပြိတ္တာကြီးသည်တပည့်တော်ကိုတွေ့မြင်သည့်အခါ ပြေးလာပြီးသူ၏အဖြစ်ကို လျှောက်ထားပြောဆိုပါသည်။ သူသည်ဆာလောင်သောကြောင့် ကြံကိုသွားရောက်ခူးဆွတ်ပါသည်။ ထိုကဲ့သို့ကြံကိုသွားရောက်ခူးဆွတ်သည့်အချိန်တွင် ငြိမ်သက်နေသောကြံချောင်းများသည် လက်နက်များသဖွယ်ဖြစ်လာပြီး ပြိတ္တာကြီးအားရိုက်နှက်ကြပါသည်။ ထိုသို့ရိုက်နှက်ခံရခြင်းကြောင့် ပြိတ္တာကြီးသည် မူးမေ့လျက်လဲကျရပါသည်ဟု လျှောက်ထားပါသည်။ ၄င်း၏လျှောက်ထားသောကြောင့် ဘုရားတပည့်တော်လည်း ပြိတ္တာကြီး၏အတိတ်ဘ၀ဇာတ်ကြောင်းကိုဆင်ခြင်ကြည့်သောအခါ ယခုကြံတောထဲတွင်ပြိတ္တာဖြစ်နေသောထိုသူသည် ပြိတ္တာမဖြစ်ခင်ရှေးဘ၀က လူပုဂ္ဂိုလ်ဖြစ်ခဲ့ဖူးပါသည်။ လူဖြစ်ခဲ့သောထိုသူသည် တနေ့သောအခါကြံစည်းကြီးကိုထမ်းပိုးပြီး သွားပါသည်။ သူ၏နောက်မလှမ်းမကမ်းနောက်တွင် သားအဖနှစ်ဦးသည်လည်း လိုက်ပါလာပါသည်။ သားအဖနှစ်ဦးတွင် အဖဖြစ်သောသူသည် ကိုယ်ကျင့်သီလနှင့်ပြည့်စုံသောဥပါသကာတစ်ဦးဖြစ်ပါသည်။ သားအဖနှစ်ဦးတွင်သားဖြစ်သောသူသည် ရှေ့တွင်ကြံစည်းထမ်းသွားနေသောသူကိုတွေ့၍ ကြံကိုစားချင်သောကြောင့် ဖခင်ဖြစ်သူအား ငိုယိုပြီးတောင်းပါသည်။ ဖခင်ဖြစ်သူသည်လည်း ကလေးငယ်အားချော့မော့ပြောပြသည့်တိုင် ချော့မော့၍မရသည့်အတွက် ကြံထမ်းသည့်လူနောက်ကိုအမှီလိုက်လာပြီး စကားစမြည်ပြောဆိုပါသည်။ ကြံထမ်းသည့်လူသည် စကားမပြောချင်သည့်အလားပြန်လည်ပြောဆိုခြင်းမရှိသော်လည်း ကလေးငယ်အငိုတိတ်စေရန်အတွက် ကြံတစ်ဆစ်ကိုတောင်းရမ်းလိုက်ပါသည်။ ထိုအခါကြံထမ်းသည့်လူမှာ ဒေါသဖြင့်မြည်တွန်ကာကြံတစ်ဆစ်ကိုချိုးပြီး သားအဖနှစ်ဦးကို လက်နောက်ပြန်ပစ်၍ ပေးပါသည်။ ထိုကြံထမ်းသည့်လူသည် သေလွန်သောအခါ ဥပါသကာအားကြံတစ်ဆစ်ပေးလှူခဲ့သည့်ဒါနအကျိုးကြောင့် ကြီးမားသောကြံခင်းထဲတွင် ပဋိသန္ဓေတဖန်ပြန်ဖြစ်ရပြီး နှမြောဝန်တိုခြင်းဟူသောမစ္ဆရိယကြောင့် သေလွန်သောအခါပြိတ္တာဘ၀သို့ရောက်ရှိရလေသည်။ ဒေါသအကျိုးကြောင့်လည်းကြံချောင်းများ၏ရိုက်နှက်ခြင်းကိုခံစားရပြန်သည်။ ထိုသူသည် ဥပါသကာသားအဖကကြံတစ်ဆစ်ကို လက်နောက်ပြန်ပေးကမ်းခဲ့သောကြောင့် ကြံကိုရှေ့မှခူးဆွတ်မရဖြစ်နေခြင်းဖြစ်ပါသည်။ ထိုသူ၏စေတနာအတိုင်း လက်နောက်ပြန်ခူးဆွတ်မှသာ ထိုပြိတ္တာသည်လည်း သုံးဆောင်ရမည်ဖြစ်ကြောင်း ဆင်ခြင်မိသောကြောင့် ပြိတ္တာကြီးအားကြံကိုလက်နောက်ပြန်ခူးဆွတ်ခိုင်းစေရာအလွယ်တကူပင်ခူးဆွတ်သုံးဆောင်၍ရကြောင်း တွေ့ရပါသည်။ ပြိတ္တာကြီးသည် ဘုရားတပည့်တော်ကို လွန်စွာကျေးဇူးတင်ပြီး ကြံများကိုခူးဆွတ်၍ လာရောက်ကပ်လှူပါသည်။ တပည့်တော်သည် ပြိတ္တာကြီး၏အကျိုးစီးပွားအလို့ငှါ ကြံများကိုအလှူခံတော်မမူပဲ မြတ်စွာဘုရားနှင့်သံဃာတော်များကိုလှူဒါန်းခြင်းမှာပို၍အကျိုးများမည်ဟု ပြောဆို၍ ခေါ်ဆောင်လာရခြင်းဖြစ်ပါသည်။´´ ရှင်မောဂ္ဂလာန်ကိုယ်တော်မြတ်ကြီးသည် မြတ်စွာဘုရားကိုအကြောင်းစုံလျှောက်ထားပြီးနောက် ပြိတ္တာကြီးသည် ကြံများကိုပိုင်းဖြတ်၍ မြတ်စွာဘုရားနှင့်သံဃာတော်များအားဆက်ကပ်လှူဒါန်းလေသည်။ မြတ်စွာဘုရားနှင့်သံဃာတော်အပေါင်းသည်လည်း ပြိတ္တာကြီးကပ်လှူသော ကြံများကိုဘုန်းပေးသုံးဆောင်တော်မူပြီးလျှင် အမျှအတန်းပေးဝေလေသည်။

အမျှအတန်းပေးဝေပြီးသည့်နောက် ပြိတ္တာကြီး၏ပိန်လှီလှသောအရောင်အဆင်းသည် ကွယ်ပျောက်သွားပြီး ကိုယ်ရောင်ကိုယ်ဝါတောက်ပစွာသော နတ်သားတစ်ပါးသည် ထိုနေရာတွင်ပေါ်ပေါက်လာလေသည်။ ထိုနတ်သားသည် လွန်စွာဝမ်းမြောက်ကြည်နူးပြီးလျှင် မြတ်စွာဘုရားနှင့်ရှင်မောဂ္ဂလာန်၊ တပည့်သားသံဃာအပေါင်းအားရှိခိုးဦးချ၍ မြင်ကွင်းမှ ကွယ်ပျောက်သွားလေတော့သည်။

ကိုးကား - ဥစ္ဆုပေတ၀တ္ထု၊ ၀ိမာန၀တ္ထုပါဠိတော်နှင့်ပေတ၀တ္ထုပါဠိတော်မြန်မာပြန်

အညတြဘိက္ခု
18.9.2017

ပိကျိပိကျိဟူသောအသံလေး

ကျုပ်ဘယ်ရောက်နေပါလိမ့် ကျုပ်မျက်လုံးတွေဖွင့်မရဘူး အပေါ်ကလဲတခုခုဖိထားတာခံနေရတယ်။ ဒါနဲ့ကျုပ်လက်တွေလှုပ်ကြည့်တယ် ခြေထောက်တွေကိုလည်းလှုပ်ကြည့်တယ် စေးကပ်နေတော့လှုပ်လို့မရပြန်ဘူး။ ဘဝပေါင်းများစွာဖြတ်သန်းလာခဲ့တဲ့ ကျုပ်ဟာ ခုဘဝတော့ဘယ်မှာပေါက်ဖွားနေတာလဲ။ တခုခုတော့ရအောင်စူးစမ်းမှဖြစ်မယ်လို့ ကျုပ်တွေးနေတုန်းကျုပ်အပေါ်ကဖိထားတဲ့ဟာကြီး ဖယ်ရှားသွားတော့ ကျုပ်အေးလိုက်တာ။ ခိုက်ခိုက်တုန်လို့။ မျက်လုံးကိုဖွင့်ဖို့အားစိုက်ကြည့်တော့ စူးကနဲအလင်းတန်းက ဝင်လာတယ်။ သုံးလေးကြိမ်လောက်အားစိုက်လိုက်တော့ ကျုပ်မျက်လုံးတွေဖွင့်လို့ရသွားပြီ။ ကျုပ်လဲဟိုဟိုဒီဒီ လျှောက်ကြည့်လိုက်တော့ဘေးမှာ ကွဲနေတဲ့ဥခွံတချို့ကိုတွေ့ရပြီး အပေါ်ကိုမော့ကြည့်လိုက်တော့ မိုးကောင်းကင်ပြာပြာကြီးကိုပဲတွေ့ရတယ်။ မိုးကောင်းကင်ကလွဲပြီးတခြားဘာကိုမှ မတွေ့ရဘူး။ ကျုပ်ရောက်နေတဲ့နေရာက မျက်တွေသစ်ရွက်ဆွေးတွေသစ်ကိုင်းခြောက်တွေခွေပြီးထည့်ထားတဲ့နေရာ။ ကျုပ်အေးလွန်းလို့ အနွေးဓါတ်ကိုလိုချင်နေမိတယ်။

"ဖြတ် ဖြတ် ဖြတ်" ဆိုတဲ့အသံနဲ့အတူ လေတချို့တိုးဝင်လာတယ်။ ကျုပ်လဲအသံကြားလို့ အပေါ်ကိုမော့ကြည့်တော့ နှုတ်သီးချွန်ချွန်အကောင်တစ်ကောင်ဟာ ကျုပ်ကို အပေါ်ကနေစူးစမ်းသလိုကြည့်နေတယ်။ သူ့နုတ်သီးနဲ့ညှပ်ပီးယူလာတဲ့ အစာတချို့ကို ကျုပ်ပါးစပ်ထဲထိုးထည့်လိုက်တော့ ကျုပ်လဲမြိုချမိတယ်။ ကျုပ်အေးနေမှန်းလဲသူကသိနေပုံပဲ ကျုပ်အပေါ်ကိုတက်ဖိလိုက်ပြီး သူ့ရဲ့အတောင်ပံကြားထဲ ကျုပ်ကိုထိုးထည့်လိုက်မှ ကျုပ်လဲနွေးလာတော့တယ်။ ဒါဆိုကျုပ်သိသွားပြီ ကျုပ်အပေါ်ဒါလောက်ထိယုယပေးနေတာ ဒါကျုပ်ကိုမွေးခဲ့တဲ့ ကျုပ်ရဲ့အမေပဲ။ နောက်ရက်မှာ ကျုပ်အမေလိုပဲနှုတ်သီးချွန်နဲ့အကောင်တစ်ကောင်ကလာပြီး ကျုပ်အမေနဲ့ကျုပ်အတွက် အစာတွေချီပြီးလာလာပို့တယ်။ တခါတလေကျုပ်တို့ကိုစိတ်မချသလိုလိုနဲ့ ဘေးနားမှာရစ်သီရစ်သီလုပ်နေသေးတယ်။ အဲ့အကောင်ကြီးက ကျုပ်အဖေဖြစ်နိုင်တယ်လို့ ကျုပ်လဲသဘောပေါက်မိတယ်။ အဖေအစာလာပို့တဲ့နေ့တွေဆို ကျုပ်အမေအပြင်မထွက်ရဘူး။ ကျုပ်နဲ့ကျုပ်အမေအတူတူနေရတယ်။ အဖေမလာရင်လဲကျုပ်ကမျှော်နေမိတယ်။ အဖေလာမှဗိုက်ပြည့်တာလေ။ အမေအစာသွားရှာရင်ထင်သလောက်ရတာမျိုးမဟုတ်တော့ အမေ့နားပါလာသမျှလေးနဲ့သားအမိနှစ်ယောက် လောက်ငရုံလောက်လေးပဲစားရတယ်။ ကျုပ်လဲ အမွှေးတောင်ရှိချင်လာပြီ။ အဖေနဲ့အမေ ဟိုအကိုင်းဒီအကိုင်းကူးပြီး ပျံသန်းနေကြသလို ပျံတတ်ချင်နေပြီ ။ ကျုပ်အဖေနဲ့အမေက တခြားငှက်တွေလို အမြင့်ပျံနိုင်တာမျိုးမဟုတ်တော့ ကျုပ်လဲအမြင့်ပျံလို့ရလိမ့်မယ်လို့မထင်မိဘူး။ တခါတလေကျုပ်တစ်ယောက်ထဲအသိုက်ထဲရှိနေတဲ့အချိန်ဆို ကျုပ်စိတ်ထဲအတိတ်ဘဝကအရိပ်တွေပေါ်ပေါ်လာတတ်တယ်။ အဲ့အချိန်မျိုးတွေမှာဆိုကျုပ်လဲ အတိတ်ဘဝကိုပြန်ပြီးတွေးတောကြည့်နေမိတာပဲ။

ကျုပ်အတွေးတွေနဲ့နစ်မြောနေတုန်းလေးမှာ ကျုပ်ဆီကို အဖေနဲ့အမေပျံသန်းလာတာတွေ့တယ်။ အဖေနဲ့အမေဒီတခါပြန်လာတာတမျိုးပဲ။ ကျုပ်အပေါ်က အကိုင်းတွေအပေါ်တကိုင်းနဲ့တကိုင်းကူးလိုက် အဝေးကိုကြည့်လိုက် ကျုပ်ကိုငုံ့ကြည့်လိုက် တခါထပြန်သွားလိုက်နဲ့ ဘေးအန္တရာယ်တခုခုရဲ့ကြားမှာ ကျုပ်ကိုစိတ်မချဖြစ်နေသလိုပဲ။ ကျုပ်လဲကောင်းကင်ကိုမော့ကြည့်လိုက်တော့ ကောင်းကင်မှာ ကျုပ်နဲ့မျိုးမတူတဲ့ငှက်ပေါင်းများစွာပျံသန်းပြေးလွှားနေကြပြီး ဟိုးတဘက်ကကောင်းကင်ယံထက်မှာတော့ မီးခိုးတွေနဲ့ပိန်းပိတ်မှောင်နေတယ်။ ဒါကြောင့်အဖေနဲ့အမေကျုပ်ကိုစိတ်မချပဲ တဝဲလည်လည်ပျံနေကြတာပါလား။ ကျုပ်လဲရှိတဲ့အားနဲ့လက်နှစ်ဖက်ကိုခတ်ကြည့်တယ် ဘယ်လိုမှမကြွလာဘူး။ ကျုပ်ရှိရာဘက်ကို မီးခိုးတွေတဖြည်းဖြည်းတိုးဝင်လာတယ်။ မီးခိုးငွေ့တွေနဲ့အတူ အပူငွေ့တွေလာဟပ်တော့ ချွေးတွေထွက်လာတယ်။ အဖေနဲ့အမေက ကျုပ်ရှိတဲ့အပေါ်ကနေ ဘယ်ကိုမှမထွက်ခွါကြသေးဘူး။ အမေဆိုကျုပ်နားလာလိုက် အပေါ်ပျံတက်သွားလိုက်နဲ့ အဖေကတော့ခပ်လှမ်းလှမ်းမှာ သစ်ကိုင်းတခုကနေတခုကိုကူးနေတယ်။ တအောင့်ကြာတော့ အဖေလဲအမေ့နားကိုလာလိုက် အဝေးပျံသွားလိုက်နဲ့ ခေါက်တုံ့ခေါက်ပြန်လုပ်နေတာ အမေ့ကိုခေါ်နေသလိုပဲ။ မီးခိုးငွေ့တွေနဲ့အပူငွေ့တွေက ပိုပြီးဆိုးဝါးလာပြီ။ နောက်ဆုံးတော့ အဖေနဲ့အတူအမေပါလိုက်သွားတာ ကျုပ်ရှိတဲ့နေရာကိုပေါ်မလာတော့ဘူး။ ကျုပ်တစ်ယောက်ထဲကျန်တော့တယ်။ ကျုပ်လဲမပျံသန်းနိုင်မယ့်အတူတူ စိတ်ကိုတည်ငြိမ်အောင်ထားပြီး မျက်စိကိုမှိတ်လိုက်တယ်။ မျက်စိကိုမှိတ်လိုက်တော့ကျုပ်ရဲ့စိတ်ထဲ အတိတ်ဘဝတွေ အာရုံထဲပေါ်လာတယ်။ လောကမှာ သီလကျေးဇူးရှိတယ်။ သစ္စာကျေးဇူးရှိတယ်။ သီလ မေတ္တာ ကရုဏာဆိုတဲ့တရားတွေရှိတယ်။ ထိုသစ္စာစကားများဖြင့် အတုမရှိမြတ်သော သစ္စာပြုခြင်းကိုပြုမယ်။ တရားတော်၏အစွမ်းကိုဆင်ခြင်၍ ရှေးရှေးအခါက ပရိနိဗ္ဗာန်ပြုဖူးတဲ့ဘုရားရှင်တို့၏အစွမ်းကိုအာရုံပြု၍ သစ္စာပြုခဲ့ဖူးတယ်။ ယခုလဲ သစ္စာပြုမယ်လို့တွေးမိပြီး ငါ့မှာ အတောင်ရှိသော်လည်း မပျံသန်းနိုင်။ ငါ့မှာခြေထောက်ရှိသော်လည်း မသွားနိုင်။ ငါ့ရဲ့အမိအဖတို့ဟာလည်း ငါ့ကိုအသိုက်မှာထားခဲ့ပြီး ပြေးကြပြီ။ ဤမှန်ကန်တဲ့သစ္စာစကားကြောင့် တောမီးသည် ဤနေရာတွင်ရပ်စေသတည်းဟု ကျယ်လောင်စွာသစ္စာပြုလိုက်တယ်။ ကျုပ်ရဲ့အသံဟာ သဘာဝအတိုင်း "ပိကျိ ပိကျိ" ဟု အသံထွက်ပေမယ့် ကျုပ်ရဲ့မှန်ကန်ရဲရင့်တဲ့သစ္စာစကားကြောင့် တောမီးဟာ မီးကိုရေနဲ့လောင်းလိုက်သလို ချက်ချင်းငြိမ်းကျသွားခဲ့တယ်။ ကျုပ်တွေးမိတာ အခြားအခြားသော သတ္တဝါပေါင်းစုံတို့သည်လည်း ဘေးအန္တရာယ်ကြောင့် အော်ဟစ်နေကြတာပဲ။ ကျုပ်သည်လည်း ဘေးအန္တရာယ်ကြောင့် ကျုပ်ရဲ့သေးငယ်တဲ့အသံလေးနဲ့ အစွမ်းကုန်အော်ဟစ်ခဲ့တာပဲ။ ဒါပေမယ့် ကျုပ်ရဲ့ သစ္စာတရားတွေလွှမ်းခြုံထားတဲ့ "ပိကျိ ပိကျိ"ဆိုတဲ့အသံလေးကြောင့် တောမီးရန်ကလွတ်ခဲ့ရတယ်။ ကျုပ်ခုလိုကြုံတွေ့ခဲ့ရတာကို တခြားခြားသောမျိုးမတူတဲ့သူတွေ နည်းယူနိုင်အောင် ကျုပ်မှတ်သားထားမယ်။ တချိန်ချိန်မှာ ကျုပ်ရအောင်ဖွင့်ပြောပြသွားမယ်လို့ ကျုပ်သန္ဒိဋ္ဌာန်ပြုမိပါတယ်။

ကိုးကား - ငုံးမင်းဇာတ်

အညတြဘိက္ခု

စေတနာဒါနရေလှူအကျိုး

ကောသလတိုင်း ကောသလမင်းကြီးအုပ်ချုပ်သည့်တိုင်းနိုင်ငံ ထူဏအမည်ရှိသောပုဏ္ဏားရွာသည် မြစ်ကမ်းနဘေးတွင်တည်ရှိပြီး ဂျုံစိုက်ပျိုးခြင်း၊ နွားမွေးမြူခြင်းလုပ်ငန်းဖြင့် အသက်မွေးဝမ်းကြောင်းပြု၏။ မြစ်အတွင်းငါးဖမ်းရန်အတွက် ငါးဖမ်းလှေများ၊ ကုန်စည်သယ်ယူပို့ဆောင်နိုင်ရန်အတွက် ကြီးမားစွာတည်ဆောက်ထားသောလှေများသည်လည်း မြစ်ဆိပ်တွင် တည်ရှိသည်။ ထို့အပြင် မြစ်တဘက်ကမ်းသို့ လူအများလွယ်ကူစွာဖြတ်သန်းသွားလာနိုင်ရန်အတွက် တံတားတစ်စင်းလည်း ထိုးထားလေသည်။ ရွာထိပ်တွင်ခရီးသွားလူအများနားနေရန်အတွက် ဇရပ်များ၊ ရေချမ်းစင်များလည်း ဆောက်လုပ်ထားသည်။ မြစ်ရေသည်နောက်ကျူသည့်အတွက် သောက်ရေသုံးဆောင်ရေအတွက် ရေတွင်းများတူးဖော်ထားပြီး ထိုရေတွင်းများမှရေများကိုသာ တစ်ရွာလုံးအသုံးပြုကြလေသည်။ ထိုရွာရှိရွာသူကြီးပုဏ္ဏားနှင့်ရွာသူရွာသားအပေါင်းတို့သည် ဗြဟ္မဏအယူကိုကိုးကွယ်ဆည်းကပ်ကြသည်။

တစ်နေ့သ၌ ခရီးသွားတစ်ဦးသည် ရွာသူကြီးပုဏ္ဏားကြီးအား``အချင်းပုဏ္ဏားကြီး မြတ်စွာဘုရားဟာ ဒေသစာရီကြွချီရင်း အသင်တို့နေထိုင်ရာ ထူဏပုဏ္ဏားရွာကို ဖြတ်ကျော်မယ်လို့ သတင်းကြားမိတယ်´´ဟူ၍ သတင်းစကားပေးလေသည်။ မြတ်စွာဘုရားကြွချီရာအရပ်တိုင်းရှိလူအများသည် မြတ်စွာဘုရား၏နောက်တော်ပါးသို့ပါသွားတာချည်းဖြစ်တာကြောင့် ပုဏ္ဏားကြီးသည်စိုးရွံ့ထိပ်လန့်စွာဖြင့်ရွာသူရွာသားအပေါင်းတို့အား စည်းဝေးခေါ်ယူစေသည်။ ရွာသူရွာသားအပေါင်းစုဝေးမိသောအခါ ပုဏ္ဏားကြီးက``ရွာသူရွာသားအပေါင်းတို့ ရှင်ကြီးဂေါတမဟာ ဒေသစာရီကြွချီရင်း အကျွန်ုပ်တို့နေထိုင်ရာ ထူပပုဏ္ဏားရွာသို့ ရောက်ရှိလာမယ်လို့သတင်းကြားမိတယ်။ သူယုတ်ဦးပြည့်ရှင်ကြီးဂေါတမ အကျွန်ုပ်တို့ရွာကိုရောက်ရှိလာခဲ့ရင် ရွာမှာရှိတဲ့လူအများဟာ မကောင်းတဲ့အယူဝါဒတွေစိတ်ထဲပျံ့လွင့်သွားနိုင်တာကြောင့် ရှင်ကြီးဂေါတမ ထူပပုဏ္ဏားရွာကို မ၀င်နိုင်ဖို့ ရွာထိပ်မှာရှိတဲ့ တံတားကိုဖျက်ဆီးပြစ်ရမယ်။ မြစ်ဟိုးဘက်ကမ်း
ဒီဘက်ကမ်းမကူးခတ်နိုင်ရန်အတွက် လှေတွေကို ဖွက်ထားရမယ်။ ဒီဘက်ကိုအကယ်၍ရောက်လာခဲ့သည်ရှိသော် ကြာကြာနေထိုင်နိုင်ခြင်းမရှိစေရန်အတွက် ဇရပ်တွေ၊ ရေချမ်းစင်တွေကိုဖျက်ဆီးပြစ်ရမယ်။ ရေတွင်းတွေထဲမှာမှ ရွာသူရွာသားတွေခပ်သုံးရုံလောက် ရေတွင်းတစ်တွင်းကိုသာချန်ထားပြီး ကျန်တဲ့ရေတွင်းတွေကိုမြက်ထုံးများဖြင့် ပိတ်ဆို့ထားရမယ်´´ဟူ၍ အမိန့်ပေးခိုင်းစေလေသည်။ ရွာသူရွာသားအပေါင်းမှလည်း``ပုဏ္ဏားကြီးခိုင်းစေတဲ့အတိုင်း ဆောင်ရွက်ပါ့မည်´´ဟု ကတိပေးလေသော် ပုဏ္ဏားကြီးကဆက်လက်ပြီး ``အကယ်၍ရှင်ကြီးဂေါတမနှင့်ဦးပြည့်ကတုံးများ ရွာအနီးနားသို့ရောက်ရှိလာသော် မည်သူတစ်ဦးတစ်ယောက်မျှ ကူညီစောင့်ရှောက်ခြင်းမပြုရ။ အကူအညီပေးတယ်ဟု ကြားသိခဲ့ရင်သေဒဏ်စီရင်မည်´´ဟု ရွာသူရွာသားအပေါင်းတို့အား ပြောကြားလေသည်။
--------------------------------------------
သုံးရက်မြောက်သောနေ့တွင် နွားကျောင်းသားတစ်ဦးမှ ပုဏ္ဏားကြီးအိမ်အတွင်းသို့ပြေးဝင်လာပြီး
``ပုဏ္ဏားကြီး ရှင်ကြီးဂေါတမနဲ့ရဟန်းတွေ ရွာထိပ်ကကွင်းပြင်ကြီးနားမှာ ထိုင်နေကြတယ်။´´

ပုဏ္ဏားကြီးလည်း အံ့သြလွန်းစွာ``တံတားတွေဖျက်ပြီးလှေတွေဖွက်ထားတာတောင်မှ ဘယ်နေရာကနေ၀င်လာတာလဲ အမောင်နွားကျောင်းသား´´

``ကျွန်တော်မျိုးညနေနွားသိမ်းသွားတော့ မြစ်ဟိုးဘက်ကမ်းကောင်းကင်ကနေ တံတားတစ်ခုကဲ့သို့ ရှင်ကြီးဂေါတမနှင့်ရဟန်းတော်များဖြတ်သန်းဝင်ရောက်လာတာ တွေ့မြင်လိုက်ရပါတယ် ပုဏ္ဏားကြီး´´

``ဒီကိစ္စကို ဘယ်သူ့ကိုမှအသိပေးမပြောကြားလေနဲ့ ပြောကြားတာနဲ့ သေဒဏ်စီရင်မယ်´´

``ဟုတ်ကဲ့ ဟုတ်ကဲ့ပါ မပြောကြားဝံ့ပါဘူး ပုဏ္ဏားကြီး´´။ ပုဏ္ဏားကြီးသည် မြတ်စွာဘုရားနှင့်သံဃာတော်များရှိရာနေရာသို့ အရိပ်အခြေကြည့်ရန်ထွက်ခွါလာလေရာလမ်းတွင် ရေတွင်းမှ ရေခပ်ပြန်လာသော အမျိုးသမီးအုပ်စုနဲ့ ရင်ဆိုင်တိုးလေသည်။ အမျိုးသမီးတစ်ယောက်မှ ထိပ်ထိပ်ပြာပြာဖြင့်

``ပုဏ္ဏားကြီး . . .. . .. ပုဏ္ဏားကြီးရဲ့ကျွန်မ . .. . . .. . ´´

``ဘာဖြစ်လဲပြော င့ါကျွန်မနင်တို့နဲ့ရေခပ်သွားတယ်မဟုတ်ဘူးလား´´

``ဟုတ်ပါတယ် ပုဏ္ဏားကြီး ရေခပ်သွားတော့ ရေခပ်ပြီးအပြန် ပုဏ္ဏားကြီးရဲ့ကျွန်မက ရဟန်းဂေါတမနဲ့သူ့တပည့်တွေကို ကြည်ညိုလို့ဆိုပြီးရေတွေခပ်တိုက်နေပါတယ် ပုဏ္ဏားကြီး´´

``ဘာ . . . . . ငါမွေးထားတဲ့ကျွန်မက ငါ့ရဲ့အမိန့်ကိုဖီဆန်တယ် ပြန်လာရင်တွေ့မယ်၊ အမျိုးသမီးအားလုံးနားထောင် ရွာရှိလူများအားလုံးကို င့ါအိမ်မှာစုဝေးစေလို့ တခါထဲကြေညာလိုက်´´

``ဟုတ် . . . . . ဟုတ်ကဲ့ပါ ပုဏ္ဏားကြီး . . . . . . . ´´
-------------------------------------
``ဟဲ့ ကျွန်မ အမိုက်မ ငါကမွေးလို့ကြီးလာတယ် ငါကျွေးတဲ့ ထမင်းစားတယ် ဘာအတွက်ကြောင့် ရှင်ကြီးဂေါတမနဲ့ဦးပြည့်ရဟန်းတွေကို ကူညီရတာလဲ´´

``ပုဏ္ဏားကြီး ကျွန်တော်မျိုးမ ဟောဒီရေအိုးနဲ့ရေခပ်ပြီးပြန်လာတော့ မြတ်စွာဘုရားနဲ့သံဃာတော်တွေငြိမ်ငြိမ်သက်သက်နဲ့ ကြည်ညိုဖွယ်ကောင်းတာကြောင့် အရင်ဦးဆုံးမြတ်စွာဘုရားကို ဟော့ဒီအိုးထဲကရေနဲ့သောက်တော်ရေတစ်ခွက်ကပ်လိုက်တယ်။ ထူးဆန်းဖွယ်ရေကတစ်စက်မှလျော့မသွားဘူး။ ဒါနဲ့ နောက်ထပ်ရဟန်းတစ်ပါးကို ရေတစ်ခွက်ထပ်ကပ်ပြန်တယ်။ ဒါလဲအိုးထဲကရေမလျော့သွားဘူး။ ကျွန်တော်မျိုးမအိုးထဲကရေ ရှိတဲ့သံဃာတွေအားလုံးသောက်သုံးသော်လည်း အိုးထဲကရေက တစ်စက်မှာလျော့ကျမသွားပါဘူး။´´

``ကျွန်မ သေခါနီး ကယောင်ကတမ်းလျောက်ပြောနေတယ် သေစမ်းကွာ´´

ပုဏ္ဏားကြီး ဒေါသဖြစ်စွာ ရိုက်နှက်ကန်ကျောက်မှုကြောင့် ကျွန်မသည်လဲ ထိုနေရာ၌ပင် လဲကျသေဆုံးသွားလေသည်။ ပုဏ္ဏားကြီးသည် ရွာသူရွာသားများဘက်သို့လှည့်လိုက်ပြီး

``ငါ့အမိန့်မနာခံတဲ့ရွာသူရွာသားမှန်သမျှ ဟောဒီကျွန်မလိုပဲ အဆုံးသတ်သွားစေရမယ်´´
------------------------------------------
ညဦးယံတွင် ရွာသူရွာသားများ အထုပ်အပိုးများ၊ နွားများ၊ ဆိတ်များဆွဲလျက် ပုဏ္ဏားကြီးအိမ်ရှေ့တွင် စုဝေးရောက်ရှိလာကြသည်။

``ပုဏ္ဏားကြီး ပုဏ္ဏားကြီး´´

``ဗျို့ ပုဏ္ဏားကြီး ဗြဟ္မဏကြီး ကျွန်တော်မျိုးတုိ့ဒုက္ခတွေ ထကြည့်ပါဦး´´

တစ်ယောက်တစ်ပေါက် ဆူညံစွာအော်ဟစ်နေသောကြောင့် ပုဏ္ဏားကြီး၏အိမ်တံခါးပေါက်ဖွင့်သံကိုကြားလိုက်ပြီး `` ရွာသားတွေ ဘာဖြစ်နေကြတာလဲ´´

``ပုဏ္ဏားကြီး ကျွန်တော်မျိုးတုိ့အိမ်တွေ ရေတွေလွှမ်းကုန်ပြီ´´

``ဒီအချိန်မြစ်ရေတက်ချိန်လဲမဟုတ်ပဲ ဘယ်အတွက်ကြောင့် ရေလွှမ်းရတာလဲ´´

ရွာသားတစ်ယောက်မှ ``ကျွန်တော်မျိုးတို့မနေ့က ပုဏ္ဏားကြီးမှာကြားတဲ့အတိုင်း ကျွန်တော်တို့အဖွဲ့ဟာ ရှင်ကြီးဂေါတမကို သွားရောက်စောင့်ကြည့်ကြပါတယ်။
ညနေ နေ၀င်ရီတရောအချိန်မှာ ရှင်တော်ဂေါတမက အာနန္ဒာအမည်ရှိတဲ့ရဟန်းတစ်ပါးကို သောက်ရေခပ်ခိုင်းပါတယ်။ သောက်ရေခပ်ခိုင်းတော့ ထိုရဟန်းက ရေတွင်းတွေဖျက်ဆီးထားတဲ့အတွက် သောက်ရေမရှိတဲ့အကြောင်းရှင်ကြီးဂေါတမကို ပြန်ပြောတာကြားလိုက်ရပါတယ်။ သို့သော်လည်းရှင်ကြီးဂေါတမကသုံးကြိမ်တိုင်တိုင် သွားရောက်ခပ်ခိုင်းတဲ့အတွက် အာနန္ဒာအမည်ရှိတဲ့ရဟန်းဟာ ကျွန်တော်မျိုးတို့မျက်ထုံးများဖြင့်ပိတ်ဆို့ထားတဲ့ရေတွင်းဆီသို့ လျှောက်လှမ်းသွားပါတယ်။
ရေတွင်းနားဆီသို့ အာနန္ဒာရဟန်းရောက်တဲ့အချိန်မှာ အံ့သြလှစွာ ပိတ်ဆို့ထားတဲ့ရေတွင်းမှမျက်ထုံးကြားထဲရေများစိမ့်ထွက်လာပြီး မကြာခင်မှာ မျက်ထုံးများဟာ ရေအားကြောင့်အဝေးသို့လွင့်ထွက်သွားတာကို မြင်တွေ့ရပါတယ်။ ထိုရေတွင်းမှအပေါ်သို့တက်လာသောရေများသည် အချိန်သိပ်မကြာပဲလမ်းတွေကို ဖုံးအုပ်သွားပါတယ်။ လယ်ကွင်းတွေကိုလည်း ဖုံးအုပ်သွားပါတယ်။ ခုဆိုလျှင်ရွာရဲ့အိမ်ခြေသုံးပုံတစ်ပုံခန့်ဟာ ထိုရေများကြောင့်ရေလွှမ်းမှိုးမှုဒဏ်ကိုခံနေရပါပြီ။ ကယ်တော်မူပါဦး ပုဏ္ဏားကြီး´´

``တောက် ဒါ ရှင်ကြီးဂေါတမ တန်ခိုးဖြင့်တမင်သက်သက်လုပ်တာဖြစ်မယ်။´´

``ပုဏ္ဏားကြီး မြန်မြန်ဆုံးဖြတ်တော်မူပါ မကြာခင်မှာ ရွာကိုရေတွေလွှမ်းမိုးပြီး တစ်ရွာလုံးရေအောက်ရောက်သွားရပါလိမ့်မယ်´´

``ရွာသူရွာသားအပေါင်းတို့ ရှင်ကြီးဂေါတမကတန်ခိုးအင်မတန်ကြီးတယ်။ ဒါကြောင့် ငါတို့အပြစ်တွေသွားရောက်တောင်းပန်ကြရမယ်။ ခုလိုတောင်းပန်တာဟာလည်း
ရှင်ကြီးဂေါတမကို ကြည်ညိုလို့မဟုတ်ဘူး။ ငါတို့ရွာရေအောက်မနစ်မြုပ်စေရန်အတွက်ဖြစ်တယ်။ ဒါကြောင့်ရှင်ကြီးဂေါတမကိုသွားရောက်တောင်းပန်ကြဖို့ အားလုံးငါနဲ့
လိုက်ခဲ့ကြပါ´´

ပုဏ္ဏားကြီးနှင့်ရွာသူရွာသားများ မြတ်စွာဘုရားထံသို့ရောက်ရှိသောအခါ မြတ်စွာဘုရား၏ကြည်ညိုဖွယ် တင့်တယ်ဖွယ် ရုပ်အဆင်းသည် ရွာသူရွာသားအပေါင်းတို့၏
စိတ်ထဲသို့ ကြည်နှုးဖွယ်ကိန်းဝပ်သွားလေသည်။ ပုဏ္ဏားကြီးသည် မြတ်စွာဘုရားထံချဉ်းကပ်ပြီး ``ရှင်ကြီးဂေါတမ ကျွန်ုပ်တို့၏အပြစ်အတွက် သီးခံခွင့်လွှတ်ပေးတော်မူပါ´´

ထိုကဲ့သို့ တောင်းပန်လျှောက်ထားပြီးမကြာခင်မှာပင် ရွာကိုဖုံးလွှမ်းနေသောရေများသည် ရုတ်တရက်ကျသွားပြီး လူနေအိမ်များ လယ်ကွင်းများသည်လည်းမြေပြင်ပေါ်ပြန်၍ ပေါ်ထွက်လာသည်။ ရွာသူရွာသားများထဲမှ တစ်ယောက်သောရွာသားသည် ``ရှင်ကြီးဂေါတမကို မနက်ဖြန်ဆွမ်းလုပ်ကျွေးပါရစေ´´ဟုတောင်းပန်လျှောက်ထားလေသည်။ ထိုရွာသားတောင်းပန်လျှောက်ထားသံနှင့်အတူ တခြားတခြားသောရွာသားများသည်လည်း တောင်းပန်လျှောက်ထားကြလေသောကြောင့် မြတ်စွာဘုရားသည်ဆိတ်ဆိတ်နေ၍ လက်ခံတော်မူလေသည်။
-------------------------------
မနက်အာရုံတက် ဝေလီဝေလင်းတွင် တစ်ရွာလုံး ယာယီမဏ္ဍပ်ဆောက်လုပ်နေသည့်အသံ ပန်းကန်ခွက်ယောက်သံ ချက်သံပြုတ်သံများဖြင့် ဆူညံလျက်ရှိသည်။
ပုဏ္ဏားကြီးသည် မြတ်စွာဘုရား၏တန်ခိုးတော်ကိုကြောက်ရွံ့သဖြင့် ရွာသူရွာသားများ၏ဆန္ဒကိုလိုက်လျောလိုက်ရသော်လည်း ခုချိန်ထိ မြတ်စွာဘုရားနှင့် တပည့်သားသံဃာတော်အပေါင်းအား ကြည်ညိုသည့်စိတ်မဖြစ်ပေါ်လာသေးပေ။ သို့သော်တစ်ရွာလုံးနီးပါး၏ဆန္ဒအရဆောင်ရွက်နေကြသည်ကိုလည်း ရှောင်ဖယ်၍မရသဖြင့် အလိုက်သင့်ပင် ဆွမ်းကိစ္စအတွက်လိုက်ပါဆောင်ရွက်နေလေသည်။ အားလုံးချက်ပြုတ်ပြင်ဆင်ပြီးသည့်နောက် ရွာသားတစ်ဦးအားမြတ်စွာဘုရားနှင့်သံဃာအပေါင်းကို ပင့်ဆောင်ရန်အတွက် စေလွှတ်လိုက်လေသည်။ မြတ်စွာဘုရားနှင့်သံဃာအပေါင်းကြွရောက်ပြီးသည့်နောက် ဆွမ်းကပ်လှူကြသည်။ ခါတိုင်းအလှူများစွာပြုလုပ်ခဲ့ဖူးသော်လည်း ယခုမြတ်စွာဘုရားနှင့်သံဃာတော်အပေါင်းအားဆွမ်းဆပ်ကပ်လှူဒါန်းသည့်အချိန်တွင် တိတ်ဆိတ်ငြိမ်သက်စွာ ဣနြေ္ဒရရဆွမ်းဘုန်းပေးနေကြသောကြောင့် ရွာသူရွာသားအပေါင်းတို့ လွန်စွာအံ့သြကြည်နူးလျက်ရှိလေ၏။ မြတ်စွာဘုရားဆွမ်းဘုန်းပေးပြီးသည့်နောက် တပည့်သံဃာအပေါင်းခြံရံလျက် ငြိမ်သက်တိတ်ဆိတ်စွာ သီတင်းသုံးထိုင်နေကြပြီး ရွာသူရွာသားအပေါင်းသည်လည်း မြတ်စွာဘုရားအဘယ်စကားကိုမိန့်ကြားမည်ကို စောင့်စားလျက်ရှိသည်။ ထိုအချိန်တွင် လွန်စွာလင်းထိန်လျက်ရှိသော အလင်းရောင်နှင့်အတူ ကိုယ်ရောင်ကိုယ်ဝါတောက်ပလွန်းလှသော
ပုဂ္ဂိုလ်တစ်ဦးမြတ်စွာဘုရား၏ မနီးမဝေးတွင်ပေါ်ထွက်လာလေသည်။

မြတ်စွာဘုရားမှ ``အသင်သည် အဘယ်သူနည်း ´´ဟုမေးမြန်းရာ``ကျွန်ုပ်သည် နတ်သမီးတစ်ပါးဖြစ်ပါသည်။´´``နတ်သမီး ယခုရှိရာသို့အဘယ်အကြောင်းကြောင့်လာရောက်ရသနည်း´´
``မြတ်စွာဘုရား တပည့်တော်သည် အတိတ်ဘ၀က မြတ်စွာဘုရားနှင့်တပည့်သားသံဃာတော်အပေါင်းအား သောက်တော်ရေကပ်လှူဖူးသည့် ပုဏ္ဏားကြီး၏ကျွန်မဖြစ်ပါသည်။ လာရောက်ရခြင်းမှာ အတိတ်ဘ၀က မြတ်စွာဘုရားနှင့်သံဃာအပေါင်းအား သောက်တော်ရေကပ်လှူဖူးသည့်အကျိုးကြောင့် ဘုရားတပည့်တော်သည် သေလွန်သောအခါ ဥယျာဉ် ဗိမာန်နှင့်တကွ အလွန်ကြီးသော ရေကန်ထဲတွင် ရွှေလှေစီး၍ပျော်ပါးရသော စည်းစိမ်ချမ်းသာကို ရရှိခံစားရပါပြီ။ တပည့်တော်စိတ်ထဲတွင်
အနည်းငယ်သော ကုသိုလ်ကောင်းမှုကိုပြုသော်လည်း များစွာသောအကျိုးကိုခံစားရခြင်းကြောင့် မြတ်စွာဘုရားနှင့်သံဃာတော်အပေါင်းအား ရှိခိုးကန်တော့ရန်လာရောက်ရခြင်းဖြစ်ပါသည်။´´နတ်သမီးသည်လည်း မြတ်စွာဘုရားနှင့်သံဃာအပေါင်းအား ရှိခိုးကန်တော့ပြီးသည့်နောက် မြင်ကွင်းမှပျောက်ကွယ်သွားလေသည်။

ထိုအခါမှ ပုဏ္ဏားကြီးနှင့်ရွာသူရွာသားအပေါင်းတို့သည် မြတ်စွာဘုရားနှင့်သံဃာရှေ့တွင် ဒူးတုတ်ထိုင်လိုက်ကြပြီး။

``တပည့်တော်တို့အား အသက်ထက်ဆုံး ဥပသကာအဖြစ်မှတ်ယူတော်မူပါ မြတ်စွာဘုရား´´ဟု

လျှောက်တင်လိုက်ကြလေသည်။

တတိယနာဝါ၀ိမာန၀တ္ထု၊ ၀ိမာန၀တ္ထုပါဠိတော်နှင့်ပေတ၀တ္ထုပါဠိတော်ကို မှီငြမ်းရေးသားခြင်းဖြစ်ပါသည်။

အညတြဘိက္ခု

ဒက်ချီး

ခါးဝတ်သင်းပိုင်းကို ဒူးဆစ်နားရောက်လုအထိ သေချာလိပ်တင်လိုက်တယ်။ အပေါ်ရုံဧကသီကို အပေါ်ဆွဲဆန့်လိပ်လိုက်ပြီး အတွင်းပိုင်းအစကိုချိုင်းကြားထဲထိုး လက်ကတော့ထိုးလိုက်ပြီး လည်ပင်းကော်လံကို ထောင်၊ နံရံမှာထောင်ထားတဲ့မှန်မှာ သပ်သပ်ရပ်ရပ်ဖြစ်မဖြစ် တချက်လောက်လှမ်းကြည့်လိုက်တော့မှ တယ်ဟုတ်တဲ့ ငါ ။ ကြည်ညိုဖွယ်ကောင်းတဲ့ ငါပါလား။ ဒါလောက်ဆိုခန္ဓာကိုယ်အနှံ့က ပွေးတွေဝဲတွေဘယ်သူမှမမြင်တော့ဘူး။ ဘာလဲကျုပ်ကိုညစ်ပတ်တယ်လို့ထင်တာလား အိပ်ယာတွေစောင်တွေလျှော်တာများ ခဏခဏပဲ။ ခုပွေးတွေဝဲတွေပေါက်တာ ညစ်ပတ်လို့မဟုတ်ဘူးဗျ။
ကြမ်းပိုးကြောင့် ကြမ်းပိုးကြောင့်။ ကျုပ်မှာ ကြမ်းပိုးကိုနိုမ်နင်းပြန်ရင်လဲ ပါဏာတိပါတအမှုနဲ့လူတွေက နိုပ်ကွက်ကြဦးမယ်။ ခေါင်းမှာပေါက်နေတဲ့ ဒက်တွေကတော့ စိတ်ပျက်ဖို့ကောင်းတာများ သြဇာသီးလားထင်ရ။ ဒါကြောင့်မို့လဲ ကျုပ်ကို ချစ်စနိုးဘွဲ့ ကိုရင်ဒက်ချီးလို့ပေးကြတာပေါ့။ ဟိုကလဲ ဒက်ချီးလာပါဦး ဒီကလည်းဒက်ချီးလာပါဦးနဲ့။ ဆွမ်းခံစောစောထွက်မှ ကျုပ်ဆွမ်းခံနောက်ကျရင် ဒကာဒကာမတွေအလုပ်သွားကြတာနဲ့ ကျုပ်ဆွမ်းရမှာမဟုတ်ဘူး။ သပိတ်စင်ပေါ်က သပိတ်ကိုလှမ်းယူ၊ ဆွမ်းဟင်းထည့်ဖို့ သုံးဆင့်ချိုင့်အသေးလေးကိုတဖက်ကဆွဲလိုက်ပြီး ကျောင်းပေါက်ဝကနေစပြီး ဆွမ်းတော်လို့အော်ပြီးသွားရတယ်။ ဆွမ်းတော်လို့အော်မှ မအော်ရင် ကျုပ်အသံမကြားရင် ဆွမ်းထွက်မလောင်းကြဘူး။

လမ်းကကျောက်တွေခင်းထားတော့ ကျုပ်ခြေထောက်တွေနာလိုက်တာ အရမ်းပဲ။ အရင်ကတော့ မြေသားလမ်းဆိုတော့နင်းလို့ကောင်းသေးတယ်။ ခုများတော့ လူတွေသွားရလာရမကောင်းလို့ဆိုလား ကျောက်တွေခင်းလိုက်တာ ခြေဖ၀ါးတွေဆိုကျိမ်းစပ်နေတာပဲ။ တခါတလေပုလင်းကွဲတွေ ဘရိတ်ဒါးတွေကျောက်ကြားထဲထောင်လို့ အောက်ကိုကြည့်ပြီးသွားရတယ်။ ယောင်လို့များမပြေးလိုက်နဲ့ ဘာနဲ့ခိုင်းမိမှန်းတောင်သိလိုက်ရမှာမဟုတ်ဘူး။

အရီးမြအိမ်ရှေ့ရောက်တော့ ဆွမ်းတော်လို့အော်မယ်ရှိသေးတယ် အရီးမြအိမ်ထဲက ဦးဇင်းကြီးတစ်ပါးထွက်လာပြီး ဦးဇင်းကြီးက ``ဒက်ချီး မင်းတော့ပွပြီ၊ အရီးမြ၀က်သားဆွမ်းလောင်းတယ်´´။ ဒါနဲ့ ၀မ်းသာအားရ ဆွမ်းတော်လို့အော်လိုက်တော့ အိမ်ထဲက ``ကိုရင်ဒက်ချီး ရပ်တော်မူပါဦး´´ဆိုတဲ့အော်သံကြားရတယ်၊ ခဏလေးကြာတော့ အရီးမြ ဆွမ်းလာလောင်းတယ်။ ဆွမ်းထမင်းတစ်ခွက်ရယ် အရွက်ကြော်တစ်ခွက်ရယ်၊ ကျုပ်စိတ်ထဲတော့ အရီးမြမျက်နှာလိုက်တယ်။ အင်းပေါ့လေ ကျုပ်ကဒက်တွေနဲ့ဆိုတော့ ကိုရင့်ကိုဘယ်သဒ္ဓါမှာလဲ။ အရီးမြအိမ်မှာ ဆွမ်းခံပြီး တအိမ်ဝင်တစ်အိမ်ထွက်ဆွမ်းခံလိုက်တာ သပိတ်ထဲ ဆွမ်းကတစ်ဝက်၊ ချိုချဉ် မုန့်စတဲ့ ခဲဖွယ်က တစ်ဝက်၊ ချိုင့်ထဲမှာတော့ ဘာတွေလောင်းထားလဲမသိဘူး။ အချိန်လဲလင့်နေပြီ ကျောင်းပြန်တော့မှ အပြန်နောက်ကျရင်လဲ အဆူအငေါက်ခံရဦးမယ်။

ပြန်မယ်လုပ်မှ မိုးက ဝေါခနဲရွာချလာတယ်။ မိုးရွာလို့မပြန်ပဲ မိုးခိုနေပြန်ရင်ပိုပြီးနောက်ကျတော့မယ်။ ကျုပ်လဲ မိုးရွာထဲ သပိတ်လေးပိုက် လက်တစ်ဖက်က ဆွမ်းချိုင့်ကိုဆွဲ ခပ်သုတ်သုတ်လျှောက်လာတယ်။ မိုးကပိုပိုပြီးသဲလာသလိုပဲ ခေါင်းပေါ်ကျတဲ့မိုးရေက မျက်နှာတွေပေါ်ကိုဖြတ်စီးပြီး အရည်တချို့က ပါးစပ်ထဲကိုဝင်လို့ ငံကျိကျိအရသာခံစားရတယ်။ ဒက်ချီးရေခေါ်မလားပဲ။ ငံကျိကျိဖြစ်နေလို့ ကျုပ်ကိုရေမချိုးဘူးလားလို့ မထင်လိုက်နဲ့။ ချိုးသလားမမေးနဲ့။ ဒါပေမယ့်ရှိတဲ့ဆပ်ပြာခဲလေးဟိုးတနေ့ကကြွက်ကိုက်သွားလို့ စိတ်တိုတိုနဲ့နွင့်ပစ်လိုက်တာ ဆပ်ပြာမတိုက်ဖြစ်တာတော့ သုံးရက်လောက်ရှိပြီ။ ဒါကြောင့် ငံကျိကျိဖြစ်နေတာ။ သပိတ်အဖုံးကမပါတော့ သပိတ်ထဲမိုးရေမ၀င်အောင်လဲ သင်္ကန်းစနဲ့တဖက်ကအုပ်ထားရသေးတယ်။ သင်္ကန်းရုံနဲ့ မိုးရေထဲလမ်းလျှောက်တာ ခရီးက တော်တော်နဲ့မရောက်နိုင်ဘူး။ မိုးရေရွှဲမှ ဟိုနားကယားသလိုလို ဒီနားကယားသလိုလိုနဲ့။ သပိတ်ထဲရေ၀င်သွားလားဆိုပြီး သင်္ကန်းစလေးမကြည့်မိတော့
ဆွမ်းတွေနီရဲလို့ပါလား။ ကျုပ်ကိုလူတွေဆွမ်းလောင်းလိုက်တာ ဆွမ်းအဖြူပါ။ ဘယ့်အတွက်ကြောင့် ဆွမ်းအနီတွေဖြစ်နေပါလိမ့်။ လက်ကလေးကိုမြှောက်ကြည့်တော့ လက်ကကျလာတဲ့မိုးရေတွေကလည်း နီနေတယ်။ ခြေထောက်ဘက်ကိုကြည့်လိုက်ပြန်တော့လည်း ခြေထောက်ကကျလာတဲ့ မိုးရေတွေကလည်းနီနေတယ်။ သွားပါပြီ သင်္ကန်းက ဆေးတွေကျွတ်နေတာ။ မိုးရေကြောင့်သင်္ကန်းကဆေးတွေကျွတ်မိုးရေနဲ့အတူ ဆေးရည်တွေက သပိတ်ထဲကိုဝင် ဆွမ်းတွေပါနီရဲကုန်ပြီ။ လမ်းမှာ မိုးရေထဲ လက်မြှောက်ခြေမြှောက် ဖြစ်နေတဲ့ကျုပ်ကို ဘယ်အချိန်ကတည်းကမျက်စိနောက်နေမှန်းမသိတဲ့ ခွေးသုံးကောင်က ဆွဲမလို့ပြေးလာတယ်။ ကျုပ်လဲ ရုတ်တရက်လန့်သွားပြီး ရွံ့ဗွက်ထဲဖင်ထိုင်ကျသွားတာ ခွမ်းခနဲ သပိတ်ကကွဲပါလေရော။ သုံးဆင့်ချိုင့်ကလည်းလွင့်ထွက်သွားတယ်။ ခွေးသုံးကောင်က ကျုပ်ဖင်ထိုင်လဲသွားတော့ လန့်ပြီးပြန်လှည့်ပြေးသွားလိုက်တာ ခပ်လှမ်းလှမ်းကနေ ကျုပ်ရဲ့အခြေအနေကို စောင့်ကြည့်နေကြတယ်။ ကျုပ်လဲခွေးကိုက်တော့မခံနိုင်ပါဘူးဆိုပြီး ကာကွယ်ဖို့ ဘေးနားရှာကြည့်တာ တံမြက်စည်းရိုးတစ်ချောင်းကိုတွေ့
လို့လှမ်းယူလိုက်တယ်။ တစစီလွင့်သွားတဲ့ ဆွမ်းချိုင့်ကို ပြန်ကောက်ပြီး သေချာဆင့်လိုက်တယ်။ သပိတ်အကွဲထဲဘာယူလို့ရမလဲကြည့်တော့ အိပ်နဲ့ထုပ်ထားတဲ့ ပါမုန့်တစ်လုံးတွေ့လို့ ပါမုန့်ကို ခါးကြားထဲလိပ်ထည့်လိုက်တယ်။ ဒီပုံစံအတိုင်းပြန်ရင် ကျောင်းရောက်ရင်လဲကျုပ်အရိုက်ခံရမှာလေ။ ဘယ်လိုရှင်းပြရှင်းပြ ကျုပ်ပြောတာကို ယုံမှာမဟုတ်ဘူး။ ကျုပ်က ဒက်ချီးလေ။ ဒက်ချီးစကားဆိုမယုံကြဘူး။ ကျုပ်ကိုကမျင်းကျောထနေတယ်ပဲထင်ကြတာ။ ဒါကြောင့်ကျုပ် သင်္ကန်းရုံထားတာကို ပြန်ဖြေလိုက်တယ်။ ခါးဝတ်သင်းပိုင်ကို ခါးတောင်းမြှောင်အောင်ကျိုက်လိုက်တယ်။ အပေါ်ရုံဧကသီကို ခါးနဲ့ပခုံးနှစ်ပတ်လောက်ပတ်ချည်လိုက်တယ်။ လက်တစ်ဖက်က ဆွမ်းချိုင့်ကိုကိုင်လိုက်တယ်။ ကျန်တဲ့လက်တစ်ဖက်က တံမြက်စည်းရိုးကိုကောက်ကိုင်လိုက်တယ်။ အရိုက်ခံရမယ့်အတူတူရွာထဲက ကလေးတွေလိုမိုးရွာထဲအုန်းလက်မြင်းစီးပြီး ကျောင်းတော်ကိုဝင်လိုက်တော့တယ်။

`ဒက်ဂလောက် ဒက်ဂလောက်´´

အညတြဘိက္ခု

စွန်းထင်းသွားတဲ့ပ၀ါဖြူ

"မင်္ဂံပါပံလုနာတိ ဆိန္ဒတီတိ မင်္ဂလာတဲ့ မကောင်းမှုကို ရိတ်ဖြတ်ဖျက်ဆီးပြီး ကောင်းမှုတွေ တိုးပွားစေလို့ မင်္ဂလာမည်၏တဲ့ ခုဒါယကာကြီးဦးမြ ဦးဇင်းနား ကပ္ပိယအဖြစ်နဲ့နေတာ မကောင်းမှုကို တားဆီးပြီးသားမဟုတ်ဘူးလား"

"မှန်ပါ"

"ကောင်းမှုတွေကိုလည်း တိုးပွားမလာပါဘူးလား"

"တိုးပွားလာပါတယ်ဘုရား နေ့စဉ်လည်း ဝေယျာဝစ္စအစရှိသဖြင့် ကုသိုလ်ပေါင်းစုံပွားများဖြစ်ပါတယ်ဘုရား"

"မင်္ဂလာရှိရှိနေထိုင်နိုင်ရဲ့သားနဲ့ ဘာကြောင့်ရွာမှာပြန်နေချင်ရတာလည်း ကိုယ့်မှာသားထောက်သမီးခံလဲမရှိ အသက်အရွယ်ကြီးမှဒုက္ခဖြစ်ရဦးမယ် ဘုန်းကြီးနားနေတော့ ဒါယကာအနေနဲ့က ဝိနည်းစာပေကျွမ်းကျင်တတ်မြောက်ပြီးသားဆိုတော့ ဘုန်းကြီးအပြစ်ကင်းအောင်လဲဒကာကြီးက စွမ်းဆောင်ပေးနိုင်တယ် ကူညီဆောင်မဖို့ဘုန်းကြီးကလည်းရှိနေတော့ ဒကာကြီးတစ်ယောက်အတွက်လဲ အပန်းမကြီးပါဘူး"

"တင်ပါ တပည့်တော်က ဘုန်းဘုန်းကို အားနာလို့ပါဘုရား"

"တော်တော့ ပြန်ဖို့စိတ်မကူးနဲ့ ဘုန်းဘုန်းနားမှာပဲနေ။ ညနက်ပြီ အိပ်မယ်ဆိုလဲသွားအိပ်ချေတော့"

"တင်ပါဘုရား"

ဆရာတော်ကယခင်က ရွာကျောင်းကနေ ရန်ကုန်မြို့ပေါ်စာသင်စာချအဖြစ်နဲ့နေထိုင်ပြီး ရှမ်းပြည်ကယခုသီတင်းသုံးနေထိုင်ရာမြို့လေးကို ဒကာတွေရဲ့တောင်းပန်လျှောက်ထားမှုကြောင့် ရောက်ရှိလာခဲ့ခြင်းဖြစ်သည်။ ရောက်စကတော့ တစ်ပါးနေကျောင်းဆောင်လေးသာရှိပေမယ့် နောက်ပိုင်းတော့ဆရာတော်ရဲ့ သီလဂုဏ်သမာဓိဂုဏ် ပညာဂုဏ် ဒကာဒကာမတွေအပေါ်ဟောပြောညွှန်ပြဆုံးမသွန်သင်မှု အားကောင်းတဲ့အတွက်ကြောင့် ဓမ္မာရုံ၊ သိမ်၊ ဆွမ်းစားဆောင်၊ ယောဂီဆောင်တို့ဖြင့်
တိုးတက်စည်ပင်လာခဲ့ပါတယ်။ ထို့အပြင် လူငယ်ပရဟိတအဖွဲ့၊ ဓမ္မစကြာအဖွဲ့များဖွဲ့စည်းပေးမှုကြောင့်လည်း ဒေသခံလူငယ်တွေ ကုသိုလ်ကောင်းမှုတိုးပွားလာပြီး ဘာသာရေးအထိမ်းအမှတ်ပွဲတွေနဲ့ ပျော်ရွှင်နေကြပါတယ်။ ဦးမြင့်အလည်အပတ်အနေဖြင့် ရှမ်းပြည်ဘုရားဖူးခေတ္တခဏလာတုန်း ဆရာတော်ထံဝင်တွေ့ဖူးမျှော်ရာမှ မပြန်ဖြစ်တာ ယခုဆိုနှစ်နှစ်တင်းတင်းရှိနေပါပြီ။ ဆရာတော်မိန့်ကြားသလိုပဲ ဆရာတော်နားနေထိုင်၍ ကုသိုလ်ကောင်းမှုပြု ဘ၀ကိုတန်ဖိုးရှိရှိကျော်ဖြတ်သွားမယ်လို့ ဆုံးဖြတ်ချက်ချလိုက်ပါတယ်။
------------------------------------------------
``သုံးလူ့ရှင်ပင် ကျွန်းထိပ်တင် သောင်းခွင်စကြာဝဠာ နတ်ဗြဟ္မာတို့ - - - - - - -´´
ကိုရင်တွေဦးဇင်းတွေ ဘုရားဝတ်ပြုနေတုန်း ကျောင်းရှေ့မှာပွနေတဲ့ သစ်ရွက်ခြောက်အမှိုက်တွေကို တံမြက်စည်းလှည်းနေရင်း စိတ်ကသုံးဆယ့်တစ်ဘုံ အလုံးစုံကုန်သော သတ္တ၀ါတွေကျန်းမာကြပါစေချမ်းသာကြပါစေလို့ မေတ္တာပို့နေမိတယ်။ ဒီနေ့ကအဖိတ်နေ့ညဆိုတော့ မနက်ဖြန်လပြည့် ကျောင်းမှာဥပုသ်သီလဆောက်တည်ကြမယ့် ယောဂီတွေလာကြမှာမို့ မနက်စောစောထရေနွေးတည်ရမယ် လဘက်ပွဲတွေလည်းပြင်ထားရမယ်ဆိုတဲ့ အတွေးတွေကလည်း တချက်တချက်ဝင်ဝင်လာတယ်။ နတ်တော်လဆန်း(၁၄)ရက်ဆိုတော့ လကလည်းသာ လေကလည်းတဖြူးဖြူးနဲ့ သစ်ရွက်အမှိုက်ကလှည်းလို့ကိုမကုန်နိုင်ဘူး။

အမှိုက်လှည်းနေတုန်း ကျောင်းဝင်းထဲ ကားနှစ်စီးဝင်လာတယ်။ ခါတိုင်းလို ဒကာဒကာမတွေဆရာတော်နားလာကြတာဖြစ်မှာပဲ ဧည့်သည်တွေအတွက်ရေနွေးပွဲလေး ပြင်ပေးဦးဆိုတဲ့အတွေးနဲ့ လှည်းလက်စတံမြက်စည်းကို သစ်ပင်ခြေရင်းမှာထောင် ဧည့်သည်တွေဖိတ်ခေါ်ဖို့ဝင်လာတဲ့ကားရပ်ထားရာသို့ ခြေဦးလှည့်လိုက်တယ်။
ကားနားရောက်တော့ ရှေ့မှာရပ်ထားတဲ့ကားပေါ်ကဆင်းလာတာ ရဲတပ်ဖွဲ့ဝင်တွေနဲ့ အနောက်ကကားပေါ်မှာတော့ ရပ်ကွက်ထဲကလူကြီးတချို့ကားပေါ်က ဆင်းလာကြတယ်။

ရပ်ကွက်ဥက္ကဋ္ဌဦးခင်မောင်မြင့်က

``ဦးမြင့် ဆရာတော်ဘယ်နားမှာလဲ´´

``ကျောင်းပေါ်မှာဘုရားဝတ်ပြုနေတယ်´´

ရပ်ကွက်ဥက္ကဋ္ဌက ရဲတပ်ဖွဲ့ဝင်တွေဘက်ကိုလှည့်ပြီး

``စခန်းမှုးကြီး ဘုရားဝတ်ပြုပြီးအောင်ခဏစောင့်ပေးပါဦး၊ ပြီးတော့မှ စီစဉ်စရာရှိတာစီစဉ်ပေးပါဗျာ´´ဆိုတော့ ကျွန်တော့် ရင်ထဲ ထိတ်ခနဲဖြစ်သွားပြီး

``ဥက္ကဋ္ဌကြီး ဘာများဖြစ်လို့လဲ ဘာအကြောင်းကြောင့်လဲ´´

``ဆရာတော်ကို ၃၇၆နဲ့ အမှုဖွင့်ထားတယ်´´

``ဗျာ ၃၇၆ဆိုတော့ ဘယ်သူကများ ဘာအတွက်တရားစွဲတာလဲဥက္ကဋ္ဌကြီး ကျွန်တော်လဲ ဆရာတော်နားအချိန်ပြည့်ရှိနေတာပါ ရှင်းပြပါဦးဥက္ကဋ္ဌကြီး´´

``ယုနွယ်က အမှုဖွင့် ထားတာ´´

``ဗျာ´´ယုနွယ်ဆိုတာ ကျောင်းမှာလာလာပြီး သင်္ကန်းလျှော်ပေး သန့်ရှင်းရေးလာလုပ်ပေးနေတဲ့ကလေးမ။ အရွယ်က အသက်၂၀ ၀န်းကျင်လောက်ရှိဦးမယ်။ ကျွန်တော်လည်း ၀မ်းနည်းကြေကွဲလွန်းလို့မျက်ရည်တွေကျလာပြီး ``ဒါမဖြစ်နိုင်ပါဘူးဥက္ကဋ္ဌကြီး ကျွန်တော့်ဆရာတော်အကြောင်းကျွန်တော်အသိဆုံးပါ၊ ဆရာတော်က
ကျွန်တော်နဲ့ အနီးကပ်ဆုံးနေနေတာပါ လုံးဝမဖြစ်နိုင်ပါဘူးဗျာ´´။ စခန်းမှုးက

``အမှုဖွင့်ထားတော့ တရားရုံးရောက်မှ ရှင်းရမှာပဲဦးလေးကြီး အမှန်တရားအတိုင်းဖြစ်လာမှာပါ လောလောဆယ်တော့ တာဝန်အရဆောင်ရွက်ရမှာပဲ´´

ဘုရားဝတ်ပြုတာပြီးသွားတော့ ကျောင်းပေါ်မှ ဦးဇင်းငယ်တွေကိုရင်တွေဆင်းလာကြတယ်။

ဥက္ကဋ္ဌကြီးက ``ကဲ ဘုရားဝတ်ပြုတာပြီးသွားပြီဆိုတော့ ကျောင်းပေါ်သွားရအောင် စခန်းမှုး´´

ကျောင်းပေါ်ရောက်တော့ ဆရာတော်ကိုအမှုဖွင့်ထားတယ်လည်းဆိုလိုက်ရော ဆရာတော်ခမျာ အံ့သြကြီးစွာဖြင့်

``ဘုရားဘုရား ငါယခုဘ၀မပြုရတဲ့အမှုဖြစ်ပေမယ့် အတိတ်ဘ၀၀ဋ်ကြွေးဆပ်ရတော့မှာပါလား အင်းပေါ့လေ ဒကာတော်တို့လဲ တာဝန်အရပဲဆောင်ရွက်ကြပါ တရားရုံးရောက်မှဖြေရှင်းကြတာပေါ့´´

စခန်းမှုးကြီးက ``ဆရာတော်ကိုဒီတိုင်းသင်္ကန်းဝတ်နဲ့ခေါ်သွားဖို့မသင့်ပါဘူးဘုရား တာဝန်အရလက်ထိပ်ခတ် အချုပ်ထဲထားရမှာမို့ လူဝတ်လဲမှသာသင့်လျော်ပါ့မယ်ဘုရား´´

``မင်းတို့လူဝတ်လဲပေးတိုင်း ငါကလူဖြစ်သွားတာမဟုတ်ဘူးကွ ။´´

``ရဟန်းဝတ်နဲ့အမှုရင်ဆိုင်ရတာ မသင့်လျော်တဲ့အတွက် တာဝန်အရဆောင်ရွက်ရတာပါကို နားလည်ပေးပါဘုရား´´ဆိုတော့ ဆရာတော်က

``ဦးမြင့် စီစဉ်လိုက်ပါ´´ ကျွန်တော်လည်း ၀မ်းနည်းစွာနဲ့ ဆရာတော်ကိုယ်တိုင်စွန့်ကြဲထားသော အကျီဖြူတစ်ထည် ပုဆိုးအသစ်တစ်ထည်ကို ဆရာတော်ကိုကပ်လိုက်ပါတယ်။

ဆရာတော်က ``ငါ အခြေအနေအရ လူအ၀တ်အစားဝတ်ထားပေမယ့် ရဟန်းဘ၀ပဲရှိသေးတယ်နော ငါ့ကိုရိုက်လားပုတ်လားစစ်လားဆေးလားမလုပ်ကြနဲ့ အမှန်ကိုအမှန်အတိုင်းဖြေရှင်းမယ်´´

``တင်ပါတပည့်တော်တို့နားလည်ပါတယ်ဘုရား´´

ထို့နောက်ဆရာတော်ကို လက်ထိပ်ခတ်ပြီး ကားပေါ်တင်ခေါ်သွားကြလေတယ်။ ထိုညအဖို့ထိုကျောင်းတိုက်ကြီးတစ်တိုက်လုံးသည် အမှောင်ထဲရောက်ရှိသွားသလို ခံစားလိုက်ရတယ်။
-------------------------------------------------
နောက်နေ့လပြည့်နေ့မှာ ခါတိုင်းထက်ဥပုသ်သည်ပိုများတယ်။ ဥပုသ်စောင့်ဖို့လာကြတဲ့လူတွေထက် သတင်းမေးကြ စပ်စုကြဖို့လာတဲ့လူကပိုပြီးများတယ်။ သတင်းအမှန်ကိုသိဖို့ကျွန်တော်လည်း ယုနွယ်နဲ့နီးနီးစပ်စပ်နေတဲ့ ဒေါ်ဖွားရီကိုတီးတိုးမေးကြည့်တော့ ယုနွယ်မှာ ကိုယ်ဝန်လေးလရှိနေတယ်ဆိုတဲ့အကြောင်း မိဘတွေက ချော့မော့ပြီးမေးတော့ ဆရာတော်နဲ့ဖြစ်တာလို့ပြောတဲ့အတွက် ရဲစခန်းမှာအမှုဖွင့်လိုက်တဲ့အကြောင်းကို ပြောပြတယ်။ လူအများစုရဲ့ပါးစပ်ဖျားမှာတော့ ယုနွယ်ဟာသနားစရာကောင်းနေပြီး မုဒိန်းကောင်ဆရာတော်ကိုသာ သတ်ချင်နေကြတဲ့အသံတွေဟာ ပတ်ဝန်းကျင်မှာဆူညံနေတော့တယ်။ ဆရာတော်နဲ့အနီးစပ်ဆုံးဖြစ်တဲ့ ကျွန်တော်သာထိုကိစ္စကိုဖြေရှင်းဖို့အတွက်လိုအပ်နေတာမို့ ဆရာတော်ထံသို့ ထမင်းပို့ ရှေ့နေငှါးပေး တရားရုံးလိုက်နဲ့ အချိန်တွေတဖြည်းဖြည်းကုန်လွန်လာသလို ဆရာတော်စုဆောင်းထားတဲ့ငွေကြေးဟာလည်း သိပ်မကျန်တော့ဘူး။ ကျောင်းမှာရှိတဲ့ ဆရာတော်စုဆောင်းထားတဲ့ ပရိဘောဂအသုံးအဆောင်တွေကိုရောင်းချပြီးဖြေရှင်းဖို့ဆိုတာကလည်း ရပ်ကွက်ထဲက ရပ်ကွက်လူကြီးကဆရာတော်နားအကြွေးရစရာရှိတယ်ဆိုပြီး မီးစက်နဲ့ဒီဇယ်အင်ဂျင်လာယူသွားတယ်။ tv စလောင်းစတာတွေလဲ သူ့ဟာလိုလို ကိုယ့်ဟာလိုလိုနဲ့လာယူသွားကြတာ စက်ပစ္စည်းနဲ့ ပက်သက်တာဘာတစ်ခုမျှမကျန်ဘူး။ ဆရာတော်ရဲ့တူတော်စပ်သူလင်မယားဟာလည်း အမှုဖြစ်တော့ ဆရာတော်နားသွားရောက်ခြင်းမရှိပေမယ့် ပရိဘောဂတွေသူ့အိမ်မပြီးသေးလို့ခဏထားထားတာပါ
ဆိုပြီး လာယူသွားတာကုန်ပြီ။ ကျောင်းတိုက်ကြီးတစ်ခုလုံးဟာ တချိန်ကကုသိုလ်ကောင်းမှုတွေနဲ့ဆူညံနေသော်လည်း ယခုတော့ သချိုင်းမြေကြီးတစ်ခုပမာတိတ်ဆိတ်ခြောက်ကပ်လို့ပါလား။
-------------------------------------------------
ဆရာတော်နားဆွမ်းပို့ရင်း စကားပြောဖြစ်တယ်။ ဒီနေ့တော့ ဆရာတော်မျက်နှာကပြုံးရွှင်လို့ ထူးဆန်းနေသလိုပဲ။ ဆရာတော်က

``ဦးမြင့် အမှန်တရားဆိုတာ ဖုံးကွယ်ထားလို့မရပါဘူး အချိန်တန်တော့ပေါ်လာတာပဲ´´

ကျွန်တော်လဲဆရာတော်စကားကြောင့်ဝမ်းသာသွားတယ်။ ``တင်ပါ ဘယ်လိုကြောင့်ပါလဲ ရှင်းပြပါဦးဘုရား´´

``မနေ့က ယုနွယ်သူငယ်ချင်း မိစုလာသွားတယ်။ သူတရားရုံးတော်မှာ အမှန်တရားအတွက်ထွက်ဆိုပေးမယ်လို့ပြောတယ်´´

``သူက ဘယ်လိုအမှန်တရားအတွက်ထွက်ဆိုမှာတဲ့လဲ ဘုရား´´

``သူ ဆရာတော်ကိုပြောပြတယ်။ အမှန်တကယ်က ယုနွယ်ဟာ ပွေပွေရှုပ်ရှုပ်မိန်းမတစ်ယောက်တဲ့။ ကျောင်းနားကတောထဲမှာ ကောင်းလေးတွေ တစ်ယောက်ပြီးတစ်ယောက်ချိန်းတွေ့တယ်လို့ဆိုတယ်´´

``သြော် ဒါကြောင့်တပည့်တော်က တခါတလေသူတောဖက်ကထွက်ထွက်လာတာတွေ့လို့ မှိုရှာမျှစ်ချိုးထင်နေမိတာဘုရား´´

``သူကိုယ်ဝန်ရတာ ဘယ်သူ့လက်ချက်မှန်းမဖော်တတ်တာနဲ့ ဆရာတော်နားလဲလာနေကျမို့ အလွယ်တကူဆရာတော်ကို လက်ညိူးထိုးလိုက်တာတဲ့ဘုရား´´

``ဘုရား ဘုရား ကြောက်ဖို့ကောင်းလိုက်တာ --------´´

``ဆရာတော်လဲ ရှေ့နေနဲ့တိုင်ပင်ပြီးပါပြီ ဒီကိစ္စယုနွယ်ကိုယ်တိုင်လဲ နှုတ်ကထွက်ဆိုချက်ဖြစ်အောင် ကြိုးစားရမှာပဲ´´

``တင်ပါ တပည့်တော် ဖော်မပြနိုင်အောင်ဝမ်းသာမိပါတယ်ဘုရား´´
----------------------------------------------
အမှုကိစ္စတွေပြီးပြတ်သွားတော့ ဆရာတော်ကိုယ်တိုင် အမှုကကွင်းလုံးကျွတ်လွတ်မြောက်ခဲ့ပါတယ်။ ဆရာတော်ကိုသွားပင့်ဖို့အတွက် ဆရာတော်ဗီရိုထဲက သင်္ကန်းတစ်စုံကိုယူပြီး ရဲစခန်းကိုထွက်လာခဲ့တယ်။ ရဲစခန်းရောက်တော့ စခန်းမှုးနဲ့စကားပြောနေတဲ့ဆရာတော်ကိုအသင့်တွေ့ရတယ်။ ကျွန်တော်လဲ ဆရာတော်ကို ယူလာတဲ့သင်္ကန်းတစ်စုံကပ်လိုက်တော့ ဆရာတော်သင်္ကန်းကိုလဲလှယ်လိုက်ပြီး

``ဦးမြ ဆရာတော် ရန်ကုန်သွားတော့မယ်´´

``ဘုရား ဆရာတော်ကျောင်းမှာမနေတော့ဘူးလားဘုရား´´

``မနေတော့ပါဘူး ဆရာတော်ဒီအရပ်ဒီဒေသကိုလဲ စိတ်နာမိတယ်။ ခုချိန်ထိ ဆရာတော်အမှန်အတိုင်းလွတ်မြောက်ခဲ့ပေမယ့် လူတွေရဲ့စိတ်ထဲမှာ စွန်းထင်းသွားတဲ့ပုဝါဖြူကို ဘယ်သူမှလိုချင်ကြတဲ့ စိတ်ကူးမရှိကြပါဘူး၊ စွန်းထင်းခဲ့မိတာကိုပဲ သတိတရအမြဲပြောနေကြတုန်းမို့ပါ။ အဲ့ဒီကျောင်းတိုက်ကိုလည်း ခြေဦးမလှည့်ချင်တော့ဘူး။ ဒါကြောင့် ဆရာတော်ရဲ့ ဆရာတွေရှိတဲ့မူရင်းကျောင်းတိုက်မှာပဲပြန်ပြီး သီတင်းသုံးနေထိုင်တော့မယ်။´´

``ဆရာတော်မရှိမှတော့ တပည့်တော်လည်း မနေပါဘူးဘုရား တပည့်တော်လည်း ရွာပြန်တော့မှာပါဘုရား´´

ဆရာတော်ကိုဦးချကန်တော့လိုက်တော့ဆရာတော်က ``သာဓုသာဓုသာဓု ဘ၀တစ်ကွေ့ခဏတွေ့ကြရပေမယ့် ဒကာတော်ဦးမြရဲ့အမှန်တရားဘက်ကနေစောင့်ရှောက်ပြီး ရဟန်းတစ်ပါးကိုကာကွယ်ပေးတဲ့အတွက်
ဆရာတော်အမြဲအမှတ်ရ သာဓုခေါ်နေပါ့မယ်´´

ဆရာတော်ထွက်သွားရာ ကျောပြင်ကိုငေးကြည့်ရင်း ရွာပြန်ဖို့စီစဉ်ရပါတော့မယ်။
------------------------------------------------------------
အချိန်တွေ နှစ်တွေ လတွေ ရက်တွေ ပြောင်းလာခဲ့တော့ တချိန်က ရှမ်းတောင်တန်းကြားထဲမှာ နေခဲ့ဖူးတဲ့ပုံရိပ်လေးကိုသတိတရလွမ်းဆွတ်နေမိတယ်။ ဆရာတော်ဟာလည်း ရန်ကုန်ကျောင်းတိုက်တွင်ပျံလွန်တော်မူသွားပြီလို့ သတင်းကြားမိပါတယ်။ ဆရာတော်ကိုလက်ညှိုးထိုးစွတ်စွဲခဲ့တဲ့ ယုနွယ်ဟာလည်းကလေးမီးဖွားချိန် သေဆုံးသွားခဲ့ပါတယ်။ ထိုအရပ်ထိုဒေသရှိလူများသည်လည်း ယုနွယ်ရဲ့အမှားဘက်ကလိုက်ပြီး ဆရာတော်အပေါ်ဝိုင်းဝန်းစော်ကားခဲ့မှုတွေဟာ သံသရာမှာ မကောင်းတဲ့ဘေးဆိုးတွေကနေ လွတ်မြောက်နိုင်ပါ့မလား။ ထိုလူများသည်လည်း နောင်တရနေကြပါသလားဆိုတာကို တွေးတောစဉ်းစားရင်း -- -- --

(ဖြစ်ရပ်မှန်ဇာတ်လမ်းဖြစ်သောကြောင့် မြို့အမည်၊ ကျောင်းအမည်၊ ဘွဲ့အမည်၊ လူနာမည်တွေကို ထိန်ချန်ထားရခြင်းဖြစ်ပါတယ်။)

အညတြဘိက္ခု

ခိုးမှု

"ဟဲ့ကောင်တွေ ထစမ်း ထစမ်း"

"စောစောစီးစီး ဒီဘုန်းကြီးက အိပ်ကောင်းနေပါတယ်ဆို"

"ဒီကျောင်းသား ပြန်ပြောနေ ငါရိုက်လိုက်ရ အကုန်ထစမ်း"

ပါးစပ်ကလဲပြော လက်ကလဲကြမ်းပေါ် ကြိမ်လုံးနဲ့ တဖြန်းဖြန်းရိုက်နေတော့ အိပ်နေတဲ့ဘုန်းကြီးကျောင်းသားတွေ မထချင်ထချင်နဲ့ ထလာတယ်။ တချို့ကျောင်းသားတွေက အိပ်ယာထခေါက် တချို့က သန်းနေတုန်း တချို့က စောင်ကြီးပတ်လို့

"ဟဲ့ကောင်တွေ မင်းတို့လုပ်စရာရှိတာနောက်မှလုပ် ငါမေးတာ အရင်ဖြေကြစမ်း"

"တင်ပါ မေးပါဘုရား"

"အာရုံဆွမ်းပွဲပြင်ဖို့ မနေ့နေ့လည်က ကြောင်အိမ်ထဲ ထည့်သိမ်းထားတဲ့ ဝက်သားဟင်းခွက် ဘယ်ကောင်ယူစားလဲ"

"တပည့်တော်မစားပါဘုရား"

"တပည့်တော်လဲ စားပါဘူးဘုရား"

"No"

"စိတ်တောင်မဝင်စားဘူး"

"ဟဲ့ကောင်တွေ မေးတုန်းမှန်မှန်ဖြေနော် မိလို့တော့ သေအောင်ရိုက်ပြီသာမှတ်"

"မိရင်ရိုက်ပါဘုရား တကယ်မစားပါဘုရား"

"အကုန်ထတော့ ထပြီးဆွမ်းပွဲပြင် သန့်ရှင်းရေးလုပ်"

"တင်ပါ့ဘုရား"

ဆွမ်းစားကျောင်းကိုတာဝန်ယူတဲ့ ဦးဥာဏ ကျောင်းသားတွေနဲ့ မနက်စောစောကြားနေကျအသံတွေပါ။
ခါတိုင်း ကျောင်းသားတွေကိုရင်တွေကို အိပ်ယာနိုးတဲ့အသံလောက်သာကြားနေရပေမယ့် ခုမနက်ကျမှ ဟင်းခွက်ပျောက်တဲ့အသံတိုးပြီကြားလာရတယ်။ ကျောင်းတိုက်က ဆွမ်းစားဆောင်၊ ဓမ္မာရုံ၊ ကိုရင်ကျောင်းသားတွေထားတဲ့အဆောင်၊ ဦးဇင်းတွေသီတင်းသုံးတဲ့အဆောင်က နှစ်လုံး တစ်နေရာနဲ့တစ်နေရာ အလှမ်းကဝေးပြီ့း ကျောင်းဝင်းကကျယ်တယ်။

နေ့တစ်နေ့တာ မနက်ဘုရားဝတ်ပြု အာရုံဆွမ်းစား သန့်ရှင်းရေးလုပ် နေ့ဆွမ်းအတွက်ဆွမ်းခံ ဆွမ်းခံပြန်လာရင် ရေချိုးသင်္ကန်းလျှော် နေ့ဆွမ်းစား ဆွမ်းခွက်တွေသန့်ရှင်းရေးလုပ် နေ့လည်ကျ စာသင်တဲ့ကိုရင်ငယ်တွေကစာသင် တရားဘာဝနာပွားများအားထုတ်တဲ့ ဦးဇင်းတွေကတရားထိုင် စာဖတ်တဲ့ဦးဇင်းကစာဖတ် တရားဆွေးနွေးတဲ့ဦးဇင်းတွေကဆွေးနွေးနဲ့ ညနေကျ သန့်ရှင်းရေးလုပ် ဘုရားဝတ်ပြု တစ်နေ့တာကျော်ဖြတ်နေတာပါပဲ။
ဒီဦးဇင်းတွေ ဒီကိုရင်တွေ ဒီကျောင်းသားတွေနဲ့နေ့စဉ်ကျော်ဖြတ်နေရတာ တခါမှခုလို ပျောက်ရှတယ်မကြားဖူးပါဘူး။ ဒီနေ့မှဖြစ်ရတယ်လို့။

ဆွမ်းပွဲမှာ အသားဟင်းမပါတော့လဲ ပေါင်းထားတဲ့ ဟင်းပေါင်းလေးရယ် ငရုတ်သီးခွက်လေးရယ် ကိုယ်တော်တွေမျှတပြီး ဘုန်းပေးကြပေါ့။ ဟင်းပေါင်းဆိုတာက နေ့ဆွမ်းဘုန်းပေးပြီး အထားခံမယ့်ဟင်းကို အာရုံဆွမ်းအတွက်ချန် ကျန်တဲ့ဟင်းတွေကိုအိုးတစ်လုံးထဲစုထည့်ပြီး မီးအေးအေးနဲ့ကြိုထားတာ။ ခုမနက်ပျောက်သွားတဲ့ ဝက်သားဟင်းခွက်က မနက်အာရုံအတွက် ချန်ထားတဲ့ဟင်းခွက်။ ကျောင်းမှာဆွမ်းစားချိန်ဆို ၀က်စာပုံးနှစ်ပုံးထမ်းပြီးလာတဲ့ ဒေါ်ထွေးတို့သားအမိများဖြစ်နေမလား။
ဖြစ်တော့မဖြစ်နိုင်ပါဘူး။ သူတို့ခမျာ ကျောင်းကိုပန်းကန်ခွက်ယောက်ဆေး လာကူတယ်။ ကျောင်းသားတွေနဲ့အတူတူ စားသောက်ပြီး ဟင်းကျန်ထမင်းကျန်စုထည့်ထားတဲ့ပုံးထဲကအကျန်တွေကို သူတို့ယူလာတဲ့ဝက်စာပုံးထဲကိုထည့်ပြီး ထမ်းပြန်သွားတာပဲ။ သူ့ကလေးကလဲ ခုမှပြေးဆော့နေတဲ့အရွယ်လေးဆိုတော့ ၀က်စာပုံးထမ်း ကလေးခါးစောင်းချီပြီးဒီတိုင်းပြန်သွားတာပဲတွေ့ပါတယ်။ လျှောက်တွေးနေတာများ ဥစ္စာပျောက်ငရဲရောက်ဆိုတဲ့စကား တကယ်မှန်တာပဲ။
-----------------------------------------
နေ့ဆွမ်းစားပြီး တရေးတမောခဏမှေးဦးမယ်ရှိတုန်း ကျောင်းသားတစ်ယောက်က

``ဦးဇင်း ထပါဦးဘုရား´´

``အကုန်လုံးသိမ်းဆည်းပြီးပြီမလား ခဏမှေးလိုက်ဦးမယ် ပြောစရာရှိနောက်မှပြော´´

``ဦးဇင်းမနက်အတွက်သိမ်းထားတဲ့ ကြက်သားနဲ့အာလူးချက်ဟင်းခွက်ထဲ ဘာမှမရှိတော့ဘူးဘုရား´´

``ဟေ´´ အိပ်ချင်နေတဲ့မျက်လုံးတောင်ပြူးသွားသလိုလိုပဲ။

``ခေါ်စမ်း ကျောင်းသားတွေ ကိုရင်တွေအကုန်လုံး ဒီခေါ်လာ´´

``တင်ပါဘုရား´´

ကျောင်းသားအခန်းအပြင်ဘက်ထွက်သွားပြီး တအောင့်ကြာတော့ ကျောင်းသားနဲ့ကိုရင်တွေ တန်းစီပြီးဝင်လာတယ်။

``အားလုံးဒီမှာ တန်းစီပြီးထိုင် ´´

ကျောင်းသားကငါးယောက် ကိုရင်ကသုံးပါး။ တန်းစီထိုင်ခိုင်းပြီးတော့

``ဦးဇင်းတွေက ဆွမ်းဘုန်းပေးပြီးဆွမ်းစားကျောင်းပေါ်ကဆင်းသွားကြပြီ။ ကျောင်းပေါ်မှာကျန်ခဲ့တာက မင်းတို့ကိုရင်သုံးပါးရယ်။ ကျောင်းသားကငါးယောက်ရယ်။ ငါရယ်။ နောက်ဝက်စာပုံးထမ်းတဲ့ဒေါ်ထွေးသားအမိရယ်။ ဒါပဲရှိတာ။ ဒေါ်ထွေးပြန်တော့ ဘယ်သူဘာတွေပါသွားလဲ´´

``ဘာမှပါသွားတာမတွေ့ပါဘူးဘုရား။ ခါတိုင်းလိုပဲ ၀က်စာပုံးထမ်းပြီးပြန်သွားတာပဲဘုရား´´

``ဒါဆိုရင် မင်းတို့ရှစ်ယောက်ရယ် ငါရယ်ဆိုတော့ ဒီကိုးယောက်ထဲမှာပဲ တရားခံကရှိနေတာပေါ့ဟုတ်လား´´

``မှန်ပါ တပည့်တော်တို့ရှစ်ယောက်တော့မဖြစ်နိုင်ပါဘုရား´´

``ဟင် မင်းတို့ရှစ်ယောက်က မဖြစ်နိုင်ဘူးဆိုတော့ ငါကသူခိုးပေါ့ အဲ့လိုလား´´

``အဲ့လိုလဲ မဆိုလိုရဲပါဘူးဘုရား´´

ကျောင်းသားတစ်ယောက်က ``မဟော်သဓာလို တရားစီရင်ပေါ့ဘုရား´´

``အောင်မယ် ကြီးကြီးကျယ်ကျယ်နဲ့ ပြောပါဦး´´

``မဟော်သဓာနွားခိုးမှုစီရင်တာလေဘုရား။ သူခိုးကိုမင်းရဲ့နွားဘာကျွေးလဲမေးတော့ ယာဂုတိုက်ပြီး နှမ်းဖက်ပဲမှော်တို့ကိုကျွေးတယ်လို့ဆိုတယ်။´´

``အင်း ဆက်ပြောပါဦး´´

``ဒါနဲ့ ပိုင်ရှင်ကိုမေးတော့ မြက်ကိုသာကျွေးပါတယ်လို့ဆိုတယ်။ အဲ့အချိန်မှာ မဟော်သဓာက ၀မ်းသွားစေတဲ့သျှိသျှားရွက်တွေကိုထောင်းပြီးနွားကိုတိုက်တယ်´´

``ရိပ်မိလာပြီ ဆက်ပြော´´

``နွားဝမ်းသွားတော့ မစင်ကိုကြည့်တဲ့အချိန်ကျမှ မြက်တွေသာတွေ့ရတဲ့အတွက်ကြောင့် နွားခိုးမှုပေါ်သွားတယ်တဲ့ဘုရား´´

``အဲ့ဒီတော့ ငါက မင်းတို့ကိုဝမ်းနှုတ်ဆေးတိုက်ပြီး မင်းတို့ပါတဲ့ မစင်ကိုဖြဲကြည့်ရမယ်ပေါ့ ထွီ ´´

``မကောင်းဘူးပေါ့ဘုရား´´

``အေး မကောင်းဘူး သွားကြတော့ ငါလိုက်ချောင်းမှာနော် မိလို့တော့ အသေပဲ´´

``တင်ပါ ချောင်းပါဘုရား တပည့်တော်တို့က အဲ့လိုမခိုးစားဝံ့ကြောင်းပါဘုရား´´

ကျောင်းသားတွေကို ကိုရင်တွေထွက်သွားတော့ ဒီကိစ္စနေ့စဉ်ဒီတိုင်းဖြစ်နေရင်တော့ မလွယ်ဘူး။ နောက်ရက်ကျ မသိမသာလေးနဲ့စောင့်ဖမ်းမှဖြစ်မယ်။
-----------------------------------------------
နောက်တစ်နေ့ နေ့ဆွမ်းစားပြီး ခါတိုင်းလို ချန်ထားလို့ရမယ့်ဟင်းကို ဗီရိုထဲထည့်သိမ်းလိုက်တယ်။ ကျန်တဲ့ဟင်းတွေအကုန်စုပေါင်း ဟင်းပေါင်းအိုးထဲထည့် မီးဖိုပေါ်တင်လိုက်တယ်။ ကျောင်းသားတွေ ကိုရင်တွေနဲ့ ဒေါ်ထွေး ပန်းကန်ခွက်ယောက်တွေဆေးနေကြတုန်းပဲ။

``ဦးဇင်း ဆရာတော်ခေါ်နေတယ်ဘုရား´´

``တင်ပါ သွားလိုက်ပါ့မယ်ဘုရား´´

ဦးဇင်းတစ်ပါးလှမ်းအော်ပြောတာနဲ့ နေရာမှခဏထ ဆရာတော်နားသွားလိုက်တော့ ဆရာတော်က မနက်ဖြန်ဆွမ်းကပ်လှူမည့်ဒကာတွေလာမည့်အကြောင်း သေချာသန့်ရှင်းရေးလုပ်ထားဆိုပြီး ပြောပါတယ်။ ဒါနဲ့ဆွမ်းစားကျောင်းဆောင်ကိုပြန်လာ စိတ်မချတာနဲ့ဗီရိုကိုဆွဲဖွင့်လိုက်တော့

``ဟင် ပြောင်သွားပြန်ပြီ´´

ဆရာတော်နားသွားလိုက်တာမှ မိနစ်ပိုင်းကလေး

``ကျောင်းသားတစ်ယောက်လောက်လာဦး´´

``တင်ပါပြောပါဘုရား´´

``ခုလေးတင် ဒီနားဘယ်သူလာသွားလဲ´´

``စောနကတော့ အောက်ကဆေးပြီးသားပန်းကန်ခွက်ယောက်တွေကို အကုန်လုံးကယူတင်နေတာပဲဘုရား´´

``ဒါဆို ဒီနားကို အကုန်လုံး လာကြတယ်ပေါ့´´

``တင်ပါ ခါတိုင်းလိုပဲလာကြတာပဲဘုရား´´

``ဒေါ်ထွေးကောပြန်ပြီလား´´

``မပြန်သေးဘူးဘုရား´´

``ဒါဆိုအကုန်လုံးအောက်မှာပဲနေ ဘာမှမပြောနဲ့ ငါစောင့်ကြည့်မယ်´´

ပန်းကန်ခွက်ယောက်တွေဆေးတဲ့နေရာနားရောက်တော့ အားလုံးထိုင်နေကြတယ်။ မထိုင်တာက တုတ်တစ်ချောင်းနဲ့ပြေးဆော့နေတဲ့ ဒေါ်ထွေးသားမျောက်လောင်း။

ကျောင်းသားတစ်ယောက်က ထထွက်သွားမယ့်ပုံလုပ်နေလို့ ``နေဦးမထသေးနဲ့ထိုင်နေ ငါကမထကြသေးနဲ့ဆို မထကြနဲ့´´။

ဒေါ်ထွေးသား မျောက်လောင်းလေးက တုတ်တချောင်းနဲ့ သူ့အမေ၀က်စာပုံးထဲထိုးဆော့မလို့တုတ်ကို ထောင်လိုက်တာကိုလဲမြင်ရော ဒေါ်ထွေးက

``ဟဲ့ အဲ့ထဲမထိုးနဲ့´´

ဝက်စာပုံးထဲတုတ်ထိုးထည့်တော့ ဘာဖြစ်မှာမို့လို့လဲ ဒါနဲ့ ကျောင်းသားတစ်ယောက်ကို လာခဲ့ဦးခေါ်ပြီး

``၀က်စာပုံးထဲ တုတ်တစ်ချောင်းနဲ့ ထိုးမွှေကြည့်စမ်း´´ ကျောင်းသားလည်း တုတ်တစ်ချောင်းရှာ ၀က်စာပုံးထဲကိုတုတ်နဲ့ စွပ်ကနဲထိုးလိုက်တော့ ၀က်စာထည့်ထားတဲ့အရည်ကြည်အပေါ်ကို ဆီတွေဝေ့တက်လာတယ်။

``ပုံးတစ်ခုလုံးသွန်ချလိုက်´´ ပုံးတစ်ခုလုံးသွန်ချလိုက်တော့ ထမင်းကျန်ဟင်းကျန်တွေကြားထဲမှာ ကျွတ်ကျွတ်အိပ်နဲ့သေချာကျစ်နေအောင်ထုတ်ထားတဲ့ ပျောက်နေတဲ့ဟင်းခွက်ရှာပုံတော် အဖြေပေါ်လာတော့တယ်။

ဒေါ်ထွေးမျက်နှာကိုကြည့်လိုက်တော့ မျက်စိမျက်နှာပျက်နဲ့ ပြာတီးပြာယာ ဦးချကန်တော့ရင်း

``တပည့်တော်ကိုခွင့်လွှတ်ပါဘုရား´´

သနားစရာဒေါ်ထွေးပါလား။ သနားရကျိုးမနပ်တဲ့ဒေါ်ထွေးပါလား။ ကျောင်းမှာဝလင်အောင်ကျွေးတယ်။ ဆွမ်းကျန်ဟင်းကျန်ကို အိမ်မှာမွေးထားတဲ့ဝက်အတွက်ထည့်ပေးတယ်။ အချိန်တန်ဝက်ရောင်းစားတယ်။
လင်ယောကျာ်းလုပ်စာနဲ့စုမိအောင်နေလို့ရတယ်။ ဒါတောင် အသားဟင်းလေးတစ်ခွက်ကို ဒီတိုင်းခိုးသွားရင်လူမိမှာစိုးလို့ သေချာအိပ်နဲ့လုံအောင်လုပ်ပြီး ၀က်စာပုံးထဲထည့်ယူတယ်။

``ဒေါ်ထွေးအပြစ်ကို ဒေါ်ထွေးသိတယ်မဟုတ်လား´´

``မှန်ပါသိပါတယ်ဘုရား၊ တပည့်တော်နောက်မဖြစ်စေရပါဘူးဘုရား´´

``နောက်မဖြစ်စေရပါဘူးဆိုတာလောက်နဲ့မလုံလောက်ပါဘူးဒေါ်ထွေး၊ နောက်ကိုလဲကျောင်းကို ဘယ်တော့မှမလာပါနဲ့တော့၊ ဦးဇင်းကမောင်းထုတ်ပိုင်ခွင့်မရှိပေမယ့် ဒီဆွမ်းစားကျောင်းကို ဦးဇင်းတာဝန်ယူထားရတဲ့အတွက် ခုလိုအပြစ်ပေးတာကိုတော့ ဆရာတော်ကော သံဃာအားလုံးကပါသဘောတူလက်ခံမှာပါ၊ ဒေါ်ထွေးနောက်ကျောင်းထဲကို လုံးဝမလာပါနဲ့´´

``တင်ပါ နောက် ဘယ်တော့မှမလာတော့ပါဘူးဘုရား´´

ဦးချကန်တော့ပြီး သူ့ရဲ့ဝက်စာပုံးခွံကိုယူ ကလေးကိုခါးမှာခွင်ပြီး ကျောင်းဝင်းထဲမှထွက်ခွါသွားလေတော့တယ်။
သူမလို့သံဃာတွေကိုငဲ့ညှာမှုမရှိပဲ ခိုးယူစားသောက်ရက်တယ်။ အပါယ်မကြောက် ငရဲမကြောက်တဲ့ဘ၀။

ဒဒ္ဓလိဒ္ဓေါ ကပဏော ဧကော၊
ဝိရူပေါ ဗဟုပ္ပဒ္ဒဝေါ။
နိစကုလေသု ဇာယန္တိ၊
အဒိန္နာ ဒါနဿ ဒေါသကာ။

ယေ-အကြင်သူတို့သည်။ ပရသန္တကံ- သူတစ်ပါးတို့ဥစ္စာကို။ အာဒိယန္တိ-ခိုးယူကုန်၏။ တေ-ထိုသူတို့သည်။ အပါယမုတ္တာနိ-အပါယ်လေးဘုံမှ လွတ်ကုန်သည်ဖြစ်၍။ မနုေဿသု-လူ့ဘုံတို့၌။ ဇာတေသုပိ- ဖြစ်ကုန်သော်လည်း။ သတက္ခတ္တုံ-အရာမကအကြိမ်များလှစွာ။ ဒလိဒ္ဒေါ-သူဆင်းရဲ၏အဖြစ်လည်းကောင်း။ ဧကော-တစ်ယောက်အထည်းထည်းသော။ ကဂဏောစ-အထီးကျန်သူ၏အဖြစ်လည်းကောင်း။ ၀ိရှုပေါစ-အဆင်းမလှသောသူ၏အဖြစ်လည်းကောင်း။ ဗဟုပ္ပဒ္ဒေါစ-များသော ဘေးရန်ရှိသောသူ၏အဖြစ်လည်းကောင်း၊ ဣတိ-ဤသို့။ ဇာယန္တိ-ဖြစ်ရကုန်၏။ ဣတိဣမေ- ဤသည်တို့ကား။ အဒိန္နာဒါနဿ- အဒိန္နာဒါနအကုသိုလ်၏။ ဒေါသကာ-အပြစ်တို့ပေတည်း။

သူတစ်ပါးဥစ္စာကို ခိုးယူသည့်သူသည် အပါယ်လေးဘုံမှာကျရောက်ရတတ်တယ်။ အပါယ်လေးဘုံမှလွတ်မြောက်ခဲ့သည်ရှိသော် ဆင်းရတဲ့ဘ၀၊ အထီးကျန်တဲ့ဘ၀၊ အဆင်းမလှတဲ့ဘ၀၊ လူမုန်းများတဲ့ဘ၀တွေမှာ ကျရောက်တတ်တယ်ဆိုတာ ဒေါ်ထွေးများသိခဲ့ရင် . . . .. . . .

(ဖြစ်ရပ်မှန်အကြောင်းအရာတစ်ခုဖြစ်ပါတယ်။)

အညတြဘိက္ခု
12.9.2017

အရိယာဥပုသ် နှင့် ဂေါပါလကဥပုသ်

ဒီနေ့က တော်သလင်းလပြည့်နေ့ အလုပ်နားရက်လည်းဖြစ်ပြန်ဆိုတော့ ဥပုသ်သီတင်းဆောက်တည်ရင်ကောင်းမယ်။

ခါတိုင်းအိမ်မှာ ငါးပါးသီလဆောက်တည်ဖြစ်ပေမယ့် အလုပ်နားရက်ဆုံတုန်းလေးမှာ ရှစ်ပါးသီလတော့ဆောက်တည်ဖြစ်အောင်ဆောက်တည်မှ ကိုယ့်အတွက်အကျိုးများမယ်။ အိမ်မှာဥပုသ်ဆောက်တည်ပြီးနေလို့ဖြစ်ပေမယ့် အိမ်မှာဆိုတာက မိသားစုအတွေး လောကီအတွေးတွေကဖြစ်ကဖြစ်နဲ့ ပြီးတော့ ဧည့်သည်လာ စကားလက်ခံပြောရင်းအမှားပါသွားပြန်ရင်လည်း ကိုယ်ဆောက်တည်ထားတဲ့ သီလက ကျိုးပေါက်ပျောက်ကျား ဖြစ်ရဦးမယ်။

အကောင်းဆုံးက ကျောင်းမှာပဲ သီလယူပြီးဆိတ်ငြိမ်ရာမှာ တစ်ယောက်တည်း ဗုဒ္ဓါနုဿတိပဲပွားပွား မေတ္တာဘာဝနာပဲပွားပွား အသင့်လျော်ဆုံးဖြစ်တာမို့ မိမိနဲ့သင့်လျော်ရာ ကျောင်းတခုခုကိုရွေးချယ်ပြီး ဥပုသ်သီတင်းဆောက်တာ အကောင်းဆုံးနဲ့ကုသိုလ်အဖြစ်ဆုံးပါပဲ။

ရပ်ကွက်မှာ ဘုန်းကြီးကျောင်းက သုံးကျောင်းရှိပေမယ့် ဆိတ်ငြိမ်ပြီးရပ်ကွက်အစွန်ဘက်မှာရှိတဲ့ တောရကျောင်းကသာ နားအေးပါးအေးရှိလှတာမို့ ဆရာတော်ကိုကပ်လှူဖို့ သစ်သီးဝလံအချို့နဲ့ ဆွမ်းချိုင့်ပြင်ဆင်ပြီး တောရကျောင်းကိုထွက်လာခဲ့တယ်။ ကျောင်းရောက်တော့ ဆရာတော်ကိုရှိခိုးဦးချပါလာတဲ့လှူဖွယ်ဝတ္ထုကပ်လှူ သီလယူ ဆရာတော်မှ သင့်လျော်ရာအရပ်မှာ မမေ့မလျော့မပေါ့မဆတဲ့သတိတရားနဲ့ သီလလုံခြုံအောင်ဆောက်တည်ပါဆိုတဲ့ သြ၀ါဒလေးခံယူပြီး ကျောင်းပေါ်မှဆင်း ကိုယ့်အတွက်သင့်လျော်မယ်ဆိုတဲ့နေရာလေးရှာကြံရတာပေါ့။ ကျောင်းဝင်းကအကျယ်ကြီး သစ်သီးပင်တွေ
အရိပ်ရပင်တွေလည်းပေါများ ကျောင်းဆောင်တွေလည်းပေါများဆိုတော့ လူရှင်းမယ်ထင်တဲ့အဆောင်လေးတခုထဲကို ရွေးချယ်ပြီးဝင်လိုက်တယ်။

အဆောင်ထဲရောက်တော့ နံရံမှာထောင်ထားတဲ့ တံမြက်စည်းကိုယူလို့ အမှိုက်လှည်းဖျာခင်းပြီး အဆောင်ထဲစံပ္ပါယ်နေတဲ့ဘုရားကို ရှိခိုးဦးချကန့်တော့ပါလာတဲ့ပဋ္ဌာန်းစာအုပ်လေးထုတ် ပဋ္ဌာန်းပူဇော်မယ်လုပ်တုန်း

``လာကြ လာကြ ဒီထဲဘယ်သူမှ မရှိဘူး ဥပုသ်သည် တစ်ယောက်ပဲရှိတယ်´´

အသံနဲ့အတူ ယောဂီဝတ် မိန်းမသုံးယောက် အသက် ၁၂နှစ်အရွယ်ခန့်ရှိမယ့် ကလေးမလေးတစ်ယောက် ၀င်လာတယ်။ သူတို့မှာပါလာတဲ့ ဖျာကို ကျွန်တော်နဲ့ခပ်လှမ်းလှမ်းမှာခင်းတယ်။ ခင်းပြီးတော့ မိန်းမကြီးတစ်ယောက်ကကျွန်တော့်ကို ပြုံးပြရင်း

``ဥပုသ်လာစောင့်တာထင်တယ်´´

``ဟုတ်ပါတယ်ဗျ´´

နှုတ်ဆက်ပြီးတော့ မိန်းမကြီးက လက်ဆွဲခြင်းထဲပါလာတဲ့ လေးဆင့်ချိုင့်ကိုထုတ်တယ်။ ချိုင့်အဆင့်တွေဖြည်ချပြီး ဖျာရဲ့အလယ်မှာ ခင်းလိုက်တယ်။ ခင်းပြီးတော့ သူနဲ့ပါလာတဲ့အဖော်တွေကို ခေါ်လိုက်ပြီး

``၁၂နာရီ မထိုးခင် လာစားကြ၊ အိမ်မှာ ကောင်းပေ့ဆိုတာချည်း ထည့်လာတာ´´။

ကျွန်တော့် ဘက်ကိုလည်းလှည့်ပြီး

``စားပါဦးလား၊ လ္ဘက်သုတ် အရမ်းကောင်းတယ်´´၊ ကျွန်တော်ကလည်း ``တော်ပါပြီ အန်တီ၊ စားပါဗျာ´´

``မိစု နင့်မောင်လေးတွေကော ခေါ်လိုက်လေ´´ မိန်းမကြီးက ပါလာတဲ့ ၁၂နှစ်အရွယ်ကလေးမလေးကို လှမ်းပြောလိုက်တယ်။

မိစုဆိုတဲ့ကလေးမလေးကလည်း ``ဟုတ်ကဲ့ အန်တီ´´ဆိုပြီး ကျောင်းဆောင်အပေါက်ဝကနေလှမ်းအော်တာကြားလိုက်ပြီးမကြာခင် တဒုန်းဒုန်းအသံတွေနဲ့အတူ ကလေးသုံးယောက်ပြေးဝင်လာတယ်။ ခုမှအမှတ်ရမိတယ်။ ဒီနေ့ကျောင်းပိတ်ရက်လဲဖြစ်ပြန်ဆိုတော့ ကလေးတွေလဲပါလာတယ်ထင်ပါရဲ့။ ကျွန်တော်လည်း ပါလာတဲ့ပဋ္ဌာန်းစာအုပ်လေးကိုကိုင်ပြီး မရွတ်ဖတ်မပူဇော်မိသေးပဲ သူတို့ကိုငေးကြည့်နေမိတယ်။ မဖြစ်သေးပါဘူး ကိုယ့်အလုပ်ကိုယ်လုပ်မှပဲ။

ဒါနဲ့စာအုပ်ကိုပြန်အာရုံစိုက်မိပြီး ``သမန္တာ စက္က၀ါဠေသု . . . . .´´

``ဒုန်း .. .. . .. ´´

နတ်ပင့်တုန်းရှိသေး ကျွန်တော့ခေါင်းပေါ်ကျော်ပြီး ဘော်လုံးတစ်လုံး ဘေးက နံရံသွားမှန်တယ်။ ကစ်ချက်က ရော်နယ်ဒင်ဟိုလားထင်ရတယ်။ ပြင်းသလားမမေးနဲ့ ခေါင်းမှန်လို့တော့ ခေါင်းအပြုတ်ပဲ။

``ဟဲ့ကောင် လာစမ်း လာစမ်း ´´ဆိုပြီး မိန်းမကြီးက ကလေးကိုခေါ် ``ဒေါက် ဒေါက် ဒေါက် ´´ဆိုတဲ့ခေါင်းကို ခေါက်လိုက်တဲ့ အသံနဲ့အတူ ကလေးရဲ့ ``ဗြဲ´´ဆိုတဲ့အသံကောဆူညံသွားတော့တယ်။ စောနက၀င်လာတဲ့ကလေးသုံးယောက်ထဲက တစ်ယောက် အိမ်ကဘော်လုံးပါယူလာပုံရတယ်။ ကန်လိုက်ပုံများ ခေါင်းတည့်တည့်မမှန်တာကံကောင်းပါရဲ့။ ``အဲ့ဒါပဲကြည့်တော့ တော်တော်အကုသိုလ်များတဲ့ ကလေးတွေ´´မိန်းမကြီးက သူ့အဖော်တွေကို ပြောပြီးတော ကလေးတွေဘက်လှည့်ကာ
``ဟဲ့ စားစရာရှိတာမြန်မြန်စားပြီး ကျောင်းဝင်းထဲသွားဆော့နေကြ ငါမခေါ်မချင်း မလာခဲ့ကြနဲ့´´ ကလေးတွေကလဲ ကြောက်ကြောက်နဲ့ မိန်းမကြီးကျွေးတာစားပြီး ခပ်သုတ်သုတ် အပြင်ပြန်ထွက်သွားကြတယ်။

ကလေးတွေထွက်သွားတော့မှ မိန်းမကြီးဟာ အဖော်ပါလာတဲ့ ဥပုသ်သည်အဖော်တွေကို သူ့သားတွေဘယ်လိုဆိုးကြောင်း၊ ဘယ်နေရာတော့ လိမ်မာကြောင်း၊
အိမ်မှာကူဖော်လောင်ဖက်ခေါ်ထားတဲ့ မိစုက အားကိုးရကြောင်း၊ လင်ယောက်ျားက စီးပွားရှာဘယ်လိုတော်တဲ့အကြောင်း၊ ဘေးအိမ်က လင်မယားက ဘယ်လို၊
ရပ်ကွက်ထဲက ဘယ်သူကဘယ်လို၊ နိုင်ငံခြားမှာစီးပွားရှာနေတဲ့ သူ့ညီမကဘယ်လို စသဖြင့် စီကာပတ်ကုံးပြောနေရင်း မောသွားပုံရတော့ ခဏအသံတိတ်သွားပြန်တယ်။ ကျွန်တော်လဲ ထသွားပြန်ရင်လည်း မကောင်း ဆက်ထိုင်နေပြန်တော့လဲ နီးနေတော့ ကြားနေရပြန် ဘယ်လိုရှောင်ထွက်ရမှန်းမသိဖြစ်နေတုန်းအဆောင်ထဲကို ဦးဇင်းတစ်ပါးဝင်လာတယ်။ ၀င်လာတဲ့ဦးဇင်းကို ကျွန်တော်က ထိခြင်းငါးပါးနဲ့ကန်တော့ဦးချတော့ သူတို့လဲ မနေသာ ဦးချကန်တော့ကြတယ်။

ဦးဇင်းက ဘာတစ်ခွန်းမှမမိန့်ပဲ ဘုရားကျောင်းဆောင်ပေါ်က ဘုရားပန်းအိုးတွေယူပြီး ကျောင်းပေါ်ကပြန်ထွက်သွားတယ်။

ဦးဇင်းထွက်သွားလေတော့ မိန်းမကြီးက သူ့အဖော်တွေကို ``ဟဲ့ အဲ့ဦးဇင်းရဲ့ ညီမ သတင်းကြားပြီးပြီလား´´ စသဖြင့် ဦးဇင်းရဲ့ညီမ အကြွေးပတ်လည်ဝိုင်းနေတဲ့အကြောင်း ဦးဇင်းရဲ့မိဘတွေဖြေရှင်းပေးနေရတဲ့အကြောင်း ထိုဦးဇင်းသည်လည်း သာသနာကိုကြည်ညိုလို့ဝတ်လာခြင်းမဟုတ်ပဲ အချောင်နေအချောင်စားရလို့ဝတ်လာတဲ့အကြောင်း အစထားကာ ကျောင်းတိုက်တစ်တိုက်လုံးရှိသမျှ ဦးဇင်းတွေရဲ့အကြောင်း သူသိတာကော သူထင်တာကော ရောနှောကာ အမှန်တရားအဖြစ်ပြောလေတော့တယ်။ ဘေးကအဖော်ပါလာတဲ့မိန်းမတွေကလည်း ထိုမိန်းမကြီးပြောလေသမျှ ဆရာ့စကား တပည့်နားထောင်သလို တိတ်ဆိတ်စွာနားထောင်နေကြတယ်။

ကျွန်တော်လည်း ဒီမိန်းမကြီး ဒီလောက်လူတကာအတင်းပြောနေတာ င့ါအကြောင်းများသိနေရင်တော့ ခက်ရချည်ရဲ့လို့တွေးနေတုန်း

``လူတွေအကြောင်းပြောနေတာ အကုသိုလ်များလှပါတယ်။ ကုသိုလ်ဖြစ်စရာလေး ပြောပြမယ်´´

အင်း ကောင်းတယ် တော်သေးတာပေါ့။ မိန်းမကြီးကဆက်ပြောတယ်။

``ဟိုးလွန်ခဲ့တဲ့ နှစ် ၂၀လောက်က တောမှာ ငါ့ဦးလေးတစ်ယောက်ရှိတယ်။ ဦးလေးက လူ့ဘောင်လူ့လောကကို စိတ်ကုန်လာတော့ ရဟန်းဘ၀ကိုခံယူပြီးသာသနာ့ဘောင်ကို အပြီးဝတ်သွားတယ်။ ရဟန်းဝတ်ပြီးတော့ သူက တောထဲသွားပြီးတရားအားထုတ်လိုက်တာ ခြောက်နှစ်ကျော် ခုနှစ်နှစ်ကြာတော့လည်းပေါ်မလာဘူး။ ဒါနဲ့ သူ့မိဘတွေဖြစ်တဲ့ ငါ့အဖွားနဲ့အဖိုးက တောထဲကို သွားရှာတာပေါ့´´

``သွားရှာတော့ တွေ့လားဟယ်´´ ဘေးက အမျိုးသမီးတစ်ယောက် က စိတ်ဝင်တစားလှမ်းမေးတယ်။

``အင်း သွားရှာတော့ တောထဲမှာ လှိုဏ်ဂူကြီးတစ်ခုထဲမှာ ဦးလေးရဟန်းကိုသွားတွေ့တယ်။ ဒါနဲ့ ငါ့အဖိုးနဲ့အဖွားကလည်း ၀မ်းသာလွန်းလို့ ရှိခိုးဦးချကန်တော့တာပေါ့။ ဦးလေးဘုန်းကြီးက ရဟန္တာဖြစ်နေပြီဟ´´

``ဟယ်´´ ဘေးက အမျိုးသမီးနှစ်ယောက် တအံ့တသြ။

သူ့စကားစိတ်ဝင်တစားနားထောင်နေကြတော့ မိန်းမကြီးက အားတက်သွားပြီး

``ငါ့ဦးလေးက နိဗ္ဗာန်ကိုရပြီဆိုတော့ သူနောက်ကိုလိုက်လာတဲ့ သူ့အဖေအမေကို အရမ်းသနားတာတဲ့။ ဒါကြောင့် သူရတဲ့နိဗ္ဗာန်ကို သူမယူတော့ပဲ သူ့အမေကို ပေးလိုက်ပါလေရော´´

``ဟာ . . . တော်လိုက်တဲ့ ဦးဇင်းကြီးကြည်ညိုစရာကောင်းလိုက်တာ သူ့အဖေကိုကျတော့ ဘာလို့မပေးလဲ´´မိန်းမတစ်ယောက်က ပြန်မေးတယ်။

``သူရတဲ့ နိဗ္ဗာန်ကတစ်ခုပဲလေ နောက်တစ်ခုထပ်ရအောင်သူကြိုးစားမှာပေါ့။ နောက်ထပ်ရမှ သူ့အဖေကိုပေးမှာပေါ့ဟ´´

ကျွန်တော်လဲ ``အံ့သြပါ့´´လို့ အသံထွက်သွားမိတယ်။ မိန်းမကြီးက သူ့ထောက်ခံတယ်ထင်လားမသိဘူး ဆက်ပြောနေတုန်း။ နားမထောင်နိုင်တော့တာနဲ့ပါလာတဲ့ ပဋ္ဌာန်းစာအုပ်လေးကို ကောက်ကိုင်ပြီး ထိုအဆောင်ထဲမှ ထွက်လာမိတယ်။ ဒီကိစ္စမဖြစ်ဘူးဆရာတော်ကိုသွားလျှောက်မှဖြစ်မယ်။ ဒါမှဆရာတော်ခေါ်ယူဆုံးမနိုင်မယ်ဆိုတဲ့ အတွေးနဲ့ဆရာတော်သီတင်းသုံးရာအဆောင်သို့ သွားရောက်ခဲ့ပါတယ်။ ဆရာတော်သီတင်းသုံးရာကျောင်းသို့ရောက်တော့စာဖတ်နေတဲ့ ဆရာတော်ကိုဦးချကန်တော့လိုက်ပြီး

``ဆရာတော်ဘုရား´´

``ပြောပါဒကာတော်´´

``တပည့်တော်ကို ဥပုသ်သည်အကြောင်းရှင်းပြပေးပါဘုရား´´

``ဒကာတော်သိချင်ရင် ပြောပြရတာပေါ့။ အင်္ဂုတ္တိုရ် ဥပေါသထသုတ်မှာပါရှိတဲ့ ဥပုသ်စောင့်နည်းသုံးမျိုးဆိုတာရှိတယ်´´

``တင်ပါဘုရား´´

``တစ်က ဂေါပါလကဥပုသ်၊ နှစ်က နိဂဏ္ဍဥပုသ်၊ သုံးက အရိယာဥပုသ်ဆိုပြီး သုံးမျိုးရှိတယ်ကွဲ့။´´

``တင်ပါ အကျယ်ရှင်းပြတော်မူပါဘုရား´´

``ဂေါပါလကဥပုသ်ဆိုတာ ဂေါပါလက=နွားကျောင်းသား နွားကျောင်းတာနဲ့တူသလိုစောင့်တဲ့ ဥပုသ်ကိုခေါ်တာပေါ့။ နွားကျောင်းသားက နွားစားကျက်တွေကိုပဲကြံစည်နေတယ်မလား။ ဥပုသ်သည်ဟာလည်း ဥပုသ်စောင့်ရာမှာ ရှစ်ပါးသီလယူ ထားပြီးသားရေးသမီးရေးစီးပွားရေးကိစ္စတွေကိုပဲ ကြံစည်ပြောဆိုနေရင် ဂေါပါလကဥပုသ်လို့ဆိုလို့ရတာပေါ့။´´

``နံပါတ်တစ်တော့ရှင်းပါပြီဘုရား နံပါတ်နှစ်ကို ဆက်ရှင်းပြပေးပါဘုရား´´

``နိဂဏ္ဌဥပုသ်ဆိုတာကတော့ တိတ္ထိညွှန်ကြားတဲ့အတိုင်း စောင့်ထိန်းတဲ့သီလမျိုးကို နိဂဏ္ဍဥပုသ်လို့ဆိုတာပေါ့။ နိဂဏ္ဌတက္ကတွန်းတွေဟာ သူ့တပည့်တွေကို အရပ်လေးမျက်နှာ ယူဇနာတစ်ရာအပြင်ဘက်တွင်ရှိသောသတ္တ၀ါတို့ကို ညှင်းပန်းနိုပ်စက်ခြင်းမပြုရစသဖြင့် ဥပုသ်သီလကိုစောင့်ထိန်းခိုင်းကြတယ်။ ယူဇနာတစ်ရာအတွင်းမှာတော့ သတ်ဖြတ်ညှင်းဆဲလို့ရသလိုဖြစ်နေတာပေါ့။ ဒါမျိုးဥပုသ်ကိုကျ နိဂဏ္ဌဥပုသ်လို့ခေါ်တာပေါ့´´

``တင်ပါ´´

``အရိယာဥပုသ်ကျတော့
၁။ ဗြဟ္မဥပုသ်
၂။ ဓမ္မဥပုသ်
၃။ သံဃ့ဥပုသ်
၎။ သီလဥပုသ်
၅။ ဒေ၀တာဥပုသ်ဆိုပြီး ငါးမျိုးရှိတယ်။

ဗြဟ္မဥပုသ်ဆိုတာက ဗုဒ္ဓဂုဏ်တော်ကိုပွားများဆင်ခြင်းပြီးစိတ်ဖြူစင်မှုရမှ စောင့်ထိန်းတဲ့ဥပုသ်မျိုးကို ဗြဟ္မဥပုသ်လို့ခေါ်တယ်။

ဓမ္မဥပုသ်ဆိုတာက တရားဂုဏ်တော်ကိုပွားများဆင်ခြင်ပြီးစိတ်ဖြူစင်မှုရမှ စောင့်ထိန်းတဲ့ဥပုသ်မျိုးကို ဓမ္မဥပုသ်လို့ခေါ်တယ်။

သံဃဥပုသ်ဆိုတာက သံဃာ့ဂုဏ်တော်များကိုပွားများဆင်ခြင်ပြီးစိတ်ဖြူစင်မှုရမှ စောင့်ထိန်းတဲ့ဥပုသ်မျိုးကို သံဃဥပုသ်လို့ခေါ်တယ်။

သီလဥပုသ်ဆိုတာက မိမိစောင့်ထိန်းရမယ့်သီလကိုဦးစွာဆင်ခြင်ပြီးစိတ်ဖြူစင်မှုရမှ စောင့်ထိန်းတဲ့ဥပုသ်မျိုးကို သီလဥပုသ်လို့ခေါ်တယ်။

ဒေ၀တာဥပုသ်ဆိုတာက သဒ္ဓါသီလစတဲ့တရားတွေကိုဆင်ခြင်ပြီး စိတ်ဖြူစင်မှုရမှ စောင့်ထိန်းတဲ့ဥပုသ်မျိုးကို ဒေ၀တာဥပုသ်လို့ခေါ်တယ်။ ဒါကအရိယာဥပုသ်အကြောင်းပေါ့။´´

``တင်ပါ တပည့်တော်ဥပုသ်ကိုဘယ်လိုရွေးချယ်စောင့်ရမယ်ဆိုတာ သိပါပြီဘုရား တဆက်တည်း လျှောက်ထားစရာရှိပါသေးတယ်ဘုရား´´

``အင်း ဘာများလဲ လျှောက်ပါဦး´´

``တပည့်တော် ဒီနေ့ဥပုသ်သီလယူရင်းတွေ့ရတဲ့အတွေ့အကြုံလေးကို လျှောက်ထားလိုတာပါဘုရား´´စသဖြင့် ဒီနေ့တွေ့ကြုံခဲ့သမျှကို အစအဆုံးဆရာတော်နားလျှောက်ထားမိပါတယ်။ လျှောက်ထားလို့ပြီးတော့ ဆရာတော်က ``ဒကာတော်ခုလိုလျှောက်ထားတာ သင့်လျော်ပါပေတယ်။ အဲ့ဒါယိကာမကြီးက ဒေါ်တင်အေးလို့ခေါ်တယ်။ ကျောင်းဒါယိကာမကြီးပါပဲ။ ဒါယကာလိုပဲ တခြားတခြားသော ဒါယိကာ ဒါယိကာမများလည်း ဘုန်းဘုန်းနားလာရောက်လျှောက်ထားဖူးပါတယ်။´´

``တင်ပါ ဆုံးမတော်မူပါဦးဘုရား´´

``လောလောဆယ် ဆုံးမလို့တော့ မသင့်လျော်သေးဘူးဒါယကာ´´

``ဘုရား ဘာကြောင့်ပါလဲဘုရား´´

``အင်း ဒကာတော်လဲစဉ်းစားကြည့်လေ။ ခုခေတ်မှာ ကျောင်းတိုက်တွေကပေါများနေတာ။ ဦးဇင်းခေါ်ယူဆုံးမလိုက်ရင် ဦးဇင်းကျောင်းကိုစွန့် တခြားကျောင်းတိုက်ကို ပြောင်းရွေ့ကိုးကွယ်ရင် ခက်ရချည်ရဲ့။ ကျောင်းမှာက သူ့ကိုပဲအစစအရာရာအားကိုးနေရတယ်မလား´´

``တင်ပါ . . . . . . ´´

``ဘုန်းဘုန်း ဖြေးဖြေးချင်း ပြောဆိုဆုံးမမှာပေါ့။ အမြဲတွေ့ကြရတာလဲမဟုတ်တော့ သည်းခံလက်စနဲ့သည်းခံပါဦး ဒါယကာ´´

``တင်ပါဘုရား တပည့်တော်နားလည်ပါပြီဘုရား´´

``အိမ်းကွယ် သာဓု သာဓု သာဓု´´

ဆရာတော်ကို ရှိခိုးဦးချကန်တော့ပြီး အိမ်ပြန်လမ်းသို့ခြေဦးလှည့်လာတော့တယ်။ သို့သော် စိတ်ထဲမှာတော့ ကျေနပ်သလိုလို မကျေနပ်သလိုလိုဖြစ်နေသော အတွေးများစွာဖြင့် - - -- - -

အညတြဘိက္ခု